-
Rico Loosli 6934 Bioggio
-
Zugriffe: 273
Jesaia 24 von 66
Jesaia 24 von 66
24:1 Gseht! Jehova macht das Landa leer und öde.
Är stellts ufe Gring u zerstreut d Bewohner.
2 Alle wirds glich ergah:
däm Volk un däm Prieschter,
däm Diener un sym Herr,
Der Dienerin un ihr Herrin,
em Chäufer u em Verchöifer,
däm Verleiher un däm Leihende,
em Gläubiger und em Schuldner.
3 Das Land wird völlig leer gmacht,
es wird völlig usplünderet,
denn Jehova het die Wort gredt.
4 Das Land truret, es verfallt zushends.
Ds fruchtbari Land vertrochnet, es verschwindet.
D Agsehne vom Land vergönd.
5 Das Land isch vo sine Bewohner verunreinigt worde,
Denn sie hän d Gsetz umgange,
d Vorschrifte gänderet
u dr duurhafte Bund broche.
6 Drum frisst der Fluch das Land uf,
u die drin wohne werde für schuldig befunde.
Drum het d Zahl vo de Bewohner vom Land abgnoh
und es si nume no sehr wenig Mönsche übrig.
7 Der nöi Wy truret, der Wystock verwelkt,
un alli, wo frohe Herzens war, sufze.
8 D Tamburine fröie sech nümme,
der Lärm der Fiirende het ufghört,
dr fröhlech Klang vo dr Harfe isch verstummt.
9 Ohni Gsang trinkeds Wy,
der Alkohol schmöckt der Trinkende bitter.
10 Di verödeti Stadt ligt in Trümmere.
Jedes Huus isch verschlosse, niemer chunt ine.
11 Uf de Strosse schreit me nach Wy.
Alli Fröhlichkeit isch verschwunde,
mit dr Fröid vom Land isch es verbi.
12 D Stadt ligt z Trümmere.
Ds Tor isch zerstört, nume no e Huufe Schutt.
13 Denn so wirds im Land si unger de Völker:
Wie we es Olivebaum abklopft wird,
wi bir Nachläse we d'Weinerte z'änd geit.
14 Si wärde ihri Schtimm erhebe,
si wärde juble.
Vom Meer us wärde si d Majestät Jehovas verchünde.
15 Und si wärde d Jehova i dr Gägend vom Liecht verherrliche.
Uf d Insle vum Meer werde sie d Name Johvas, vum Gott Israels, vuherrliche.
16 Vo de Änd vo dr Ärde ghöre mer Lieder:
"Herrlichkeit dem grächte Gott!"
Doch i säge: "I ga zgrund, i ga zgrund!
Wehe mir! D Treulose hei treulos ghandlet.
In ihrer Treulosigkeit hend d Treulosene treulos ghandlet."
17 Schrecke, Grüebe u Falle erwartet di du Bewohner vom Land.
18 Wer vor em Lärm vom Schreckli flieht wird i Gruebe falle,
un wer üs dr Gruebe usekunnt, wird in d Fall grate.
Wül di Schlüüse ufbe wärde sech öffne
u d Fundament vom Land wärde bebe.
19 Das Land isch zerborschte,
das Land isch düregschüttlet worde,
ds Land windet sech i chrämpfe.
20 Das Land torklet wi ne Betrunkler
u schwanket hin u her wi ne Hütte im Wind.
Sini Überträtig lastet schwer uf ihm,
und es wird falle ohni wider ufzstah.
21 An däm Tag wird Jehova sini Ufmerksamkeit em Heer ir Höchi z'wände
un d Kenig vu d Erde uf d Erde.
22 Si wärde zämetribe
wi Gfangene i ne Grube
u im Kerker igsperrt.
Und nach viune Täg wird d Ufmerksamkeit uf si grichtet wärde.
23 Der Vollmond isch verlege
u di strahlendi Sunne schämt sech,
Denn Jehova, dr Herr dr Heere, isch Kenig wore uf fem Berg Zion un in Jerusalem,
voller Pracht vor de Ältiste vo sim Volk.