GTranslate Wähle deine Sprache

bibel Bärndütsch

Rico Loosli 6934 Bioggio
in bibel Bärndütsch
Zugriffe: 358

3.Moses 7 vo 27

 

3.Moses 7 vo 27

7:1 Fürs Schuldopfer gilt folgendes Gsetz: Es isch öppis Hochheiligs.

2 Das Schuudopfer söu a däm Ort gschlachtet wärde, wo d Brandopfer gschlachtet wärde, und sis Bluet söu a aui Site vom Altar gsprängt wärde.

3 Me söll alles Fett darbringe, de Fettschwanz, ds Fett wo d Eigeweid bedeckt,

4 und di beide Niere mit ihrem Fett wo ir Ländene isch. O ds Fett ar Läber söll zäme mit de Niere entfernt wärde.

5 Der Priester soll alles auf dem Altar als Feueropfer für Jehova in Rauch aufgah lassen. Es isch e Schuldopfer.

6 Jedi männlichi Person under de Priester sölls esse. Es söll amene heilige Ort gässe werde. Es isch öppis Hochheiligs.

7 Das Gsetz für das Sündopfer giut o für d Schuldopfer. Es ghört em Prieschter wo demit Süne leischtet.

8 We dr Prieschter für öpper ds Brandopfer git, söu ihm d Hut vom Brandopfer ghöre, wo ihm bracht worde isch.

9 Jedes Getreideopfer wo im Ofe bache oder i de Pfanne oder uf de Backplatte zuebereitet wird, ghört em Prieschter wo's darbringt. Es söll ihm ghöre.

10 Doch jedes Getreideopfer wo mit Öl vermischt oder z troche isch söu zu glyche Teil unger aune Sohn Arons ufteilt wärde.

11 Fürs Gmeinschaftsopfer, wo öpper Jehova darbringt, gilt folgendes Gsetz:

12 Wener's als Usdruck vom Dank opferet, söll er zäme mitem Dankopfer ungsüürete Ringbrot us Ölteig darbringe, ungsüüri, mit Öl bestricheni Fladebrot und Ringbrot us Feinmehl, wo guet mit Öl vermischt und vermehrt worde isch.

13 Är söll mit dä als Dankopfer darbrochtä Gmeinschaftsopfer opferä.

14 Vo de Opferbrot söll er je eis als heilige Aateil für Jehova darbringe. Es söll em Prieschter ghöre, wo s'Bluet vo de Gmeinschaftsopfer versprengt.

15 Ds Fleisch wo aus Dankopfer darbrochtä Gmeinschaftsopfer söu a däm Tag gässä wärdä, wos gopfert wird. Nüt dervo darf bis zum Morge ufghobe werde.

16 Isch ds Opfer e Gelübdeopfer oder es freiwilligs Opfer, sölls a däm Tag gässe wärde wos darbracht wird. Was drvo übrig isch, cha o no am nächschte Tag gässe wärde.

17 Was aber vo dem Opferfleisch am dritte Tag no übrig isch, söll verbrennt werde.

18 Wird jedoch vo dem Fleisch vom Gmeinschaftopfer am dritte Tag no öppis gässe, de wird dr Opfärnd ke Anerkennig finde. Es wird ihm nid agrechnet werde. S isch ebis aschtössiges, un wer ebis drvo isst, soll sich für sis Vergehe verantworte.

19 Fleisch wo mit irgendöppisem unreinem i berüerig chunnt döf nid gässe werde. Es söu verbrennt wärde. Jede wo dri isch, darf ds reine Fleisch esse.

20 Aber öpper wo unrein isch u ds Fleisch vom für Jehova bestimmte Gmeinschaftsopfers isst, derb muess us sim Volk entfernt wärde.

21 Faus öpper öppis Unreins berüehrt – entweder d Unreinheit vomene Mönsch oder es unreins Tier oder irgendöppis widerlechs, wo unrein isch – und öppis vo däm Fleisch vom für Jehova bestimmte Gmeinschaftsopfers isst, mues är us sym Volk entfernt wärde.‘“

22 Wiiter het Jehova zu Moses gseit:

23 "Teili den Israeliten mit: 'Ihr dürfed kein Fett vomene Stier, em ne junge Schofbock oder ere Geiss esse.

24 Ds Fett vomene tot ufgfundene Tier und ds Fett vomene Tier, wo vomene andere Tier umbrocht worde isch, cha für irgendwelchi angere Zwäck bruucht wärde, nume ässe dürfters uf ke Fall.

25 Wär Fett vomene Tier isst wo er Jehova als Füüropfer darbringt mues us sim Volk entfernt wärde.

26 Dir dörft a kem der Ort, wo Der wohnt, Bluet ässe, weder vo Vögel no vo anderne Tier.

27 Wär irgendwelches Bluet isst, muess us sim Volk entfernt wärde.

28 Jehova het wyter zu Moses gseit:

29 "Teile den Israeliten mit: 'Wer Jehova sein Gemeinschaftsopfer darbringt, soll Jehova ein Teil des Gemeinschaftsopfers als Opfergabe bringen.

30 Är söu mit eigete Händ ds Fett zäme mit der Bruscht aus Füüropfer für Jehova bringe u se aus Schwingopfer vor Jehova hin u herschwinge.

31 Der Prieschter soll das Fett uf em Altar in Rauch aufgah, aber der Brust soll der Aaron und seine Söhn ghöre.

32 Ihr söttet em Prieschter dr rächti Schänkel vo eune Gmeinschaftsopfere aus heilige Aateil gä.

33 Dä rächti Schänku söll am Sohn Aarons aus Ateil ghöre wo ds Bluet und ds Fett vo dr Gmeinschaftsopfer darbringt.

34 I nime nämlech d Bruscht vom Schwingopfer u de Schänku vom heilige Aateils vo de Gmeinschaftsopfer vo Israelite u gib si em Prieschter Aaron u syne Söhn. Die Vorschrift gilt für d Israelite uf Duur.

35 Das isch dr Aateil vo de Füüropfer Jehovas gsy, wo für d Prieschter – für Aaron u syni Söhn – biisitegleit wärde sött a däm Tag, wo si härbracht worde sy, um Jehova als Prieschter z diene.

36 Uf Jehovas Aordnig häre söttet si dä Ateil am Tag vo ihrere Salbig vo dä Israelite erhalte. Die Bestimmig gilt für ihri Generatione uf Duur.'"

37 Das isch ds Gsetz für ds Brandopfer, ds Getreideopfer, ds Sündeopfer, ds Schuldopfer, ds Iisetzigsopfers u d Gmeinschaftsopfer,

38 sowie Jehova es Moses ufem Berg Sịnai a dem Tag aagordnet het, wo er d Israelite aweset, Jehova i de Wildnis Sịnai ihri Opfergabe darzbringe.

Rico Loosli 6934 Bioggio
in bibel Bärndütsch
Zugriffe: 330

3.Moses 6 vo 27

 

3.Moses 6 vo 27

6:1 Jehova het wyter zu Moses gseit:

2 "Falls öpper sündiget und gegenüber Jehova untreu handlet, indem er siine Mitmensche i Verbindig mit öppis tüüscht, wo ihm avertraut oder zur Ufbewahrig gäh isch, oder wener ihn bestiehlt oder betrügt

3 oder wenn er öppis verlorene findet u derbi unihrlich isch, u wenn er bi irgendere derartige Sünd fausch schwört, de gilt Folgendes:

4 Falls er gsündet het u schuldig isch, mues er zrug gäh was er het gstohle was er er erpresst het, was er sich dür betrug verschafft het, was me ihm avertrut het oder ds verlorene woner gfunde het,

5 oder irgendöppis, woner falsch gschwore het – är mues derfür volle Ersatz leischtend und no es Füftel vom Wärt derzue gä. Är sölls däm Bsitzer a däm Tag gä wo sini Schuld bewise isch.

6 Aus Schuudopfer für Jehova söu är entsprächend em Schätzwärt e fählerlose Schafbock vo dr Chlyyviehherde zum Prieschter bringe; es isch e Schuldopfer.

7 Dä Prieschter söll vor Jehova für ihn dä Sühn leiste, und es wird ihm alles vergäh wodurch er sich schuldig gmacht het."

8 Wiiter het Jehova zu Moses gseit:

9 "Gib Aaron und syne Söhn die Aawysige: "Für ds Brandopfer gilt folgendes Gsetz: Der Brandopfer söll di ganz Nacht bis zum Morge uf der Füürsteu ufem Altar bliibe und ds Füür uf em Altar söll ständig brenne.

10 Der Prieschter söu sy Amtsgwand us Line aalege u sy Körper mit der churze Hose us Line bedecke. De söu är d Äsche vom Brandopfer, wo im Füür uf em Altar verbrönnt isch, entfärne u näbe em Altar gschütte.

11 Är söu sech angeri Chleider aalegge u när d Äsche ane reine Ort usserhalb vom Lager bringe.

12 Das Füür ufem Altar söll i Brand ghalte werde. Es darf nid usgah. Dr Priester muess jede Morge Holz druf verbrenne und ds Brandopfer drüber zrächtlege. Är söll ds Fett vor Gmeinschafts¬opfer druf i Rauch la ufga.

13 Ufem Altar söll ständig es Füür brenne. Es darf nid usgah.

14 Hie itz ds Gsetz fürs Getreideopfer: D Söhn Aarons sölleds vor Jehova vor de Altar bringe.

15 Eine vo dene söu e Handvoll vo däm Feinmehl vom Getreideopfer näh mit öppis vo däm Öl u dr ganz Wyhrauch, wo uf em Getreideopfer isch. Är sölls für Jehova ufem Altar als symbolischs Opfer miteme agnähme Gruch i Rauch la ufgaa.

16 Was devo übrig isch sölled aron und sini söhn esse.q Es söll als ungsäuerts Brot amene heilige Ort gässe werde. Si söue's im Vorhof vom Zäut vor Zämekunft ässe.

17 Es darf nid mit Suurteig bache werde. Has ne aus ihre Aateil a mine Füüropfer geh. Es isch öppis Hochheiligs, wi ds Sündopfer und ds Schuldopfer.

18 Jedi männlichi Person unger de Söhn Aarons sölls esse. Es isch uf Duur ihre Aateil a de Füüropfer Jehovas vo Generation zu Generation. Alles wo demit i Berüerig chunnt wird heilig werde.

19 Jehova het wyter zu Moses gseit:

20 "Aaron und sini Söhn sölled a dem Tag woner gsalbt wird, Jehova folgendi Opfergabe darbringe: es zähntel Ẹphaa Feinmehl als regelmässigs Getreideopfer, e Hälfti devo am Morge und di ander am Abe.

21 Es söll mit Öl ufere Backplatte zubereitet werde. Es söu guet mit Öl vermischt sy und i Stugge derbrocht wärde, aus gebacknigs Getreideopfer mit em ne agnähme Gruch für Jehova.

22 Der gsalbte Prieschter, won ihm us der Reihe vo syne Söhn noofolgt, sell s zuebereite. Als Duurhafti Vorschrift gilt: Es söll als Ganzopfer für Jehova i Rauch ufgah.

23 Das Getreideopfer vomene Prieschter söll immer e Ganzopfer si. Es darf nicht gessen werden."

24 Wiiter het Jehova zu Moses gseit:

25 "Teile Aaron und syne Söhn mit: 'Für das Sündopfer giut fougendes Gsetz: A dem Ort wo das Brandopfer gschlachtet wird, söu o ds Sündopfer vor Jehova gschlachtet wärde. Es isch öppis Hochheiligs.

26 Der Prieschter, der das Sündopfer darbringt, söll es ässe. Es söll amene heilige Ort gässe werde, im Vorhof vom Zält vo de Zämekunft.

27 Alles, wo mit sim Fleisch i Berüerig chunnt, wird heilig werde, u we irgendöpper öppis vo sim Bluet uf sini Chleidig sprützt, söll das mit Bluet bespritzti Chleidigsstück ame heilige Ort gwäsche werde.

28 Ds Tongefäss wo ds Fleisch kocht worde isch, söu zerschlage wärde. Ischs aber imene Chupfergfäss kocht worde, de mues ds Gfäss gschüürt u mit Wasser abgwäsche werde.

29 Jedi männlechi Person unger de Priester sells ässe. Esch öppis Hochheiligs.

30 E Sündopfer, vo däm Bluet öppis i ds Zäut vor Zämekunft bracht wird zum a däm heilige Ort Sühn z leischte, döf jedoch nid gässe werde. Es söll verbrennt werde.

Rico Loosli 6934 Bioggio
in bibel Bärndütsch
Zugriffe: 337

3.Moses 5 von 27

 

3.Moses 5 von 27

5:1 Faus öper sündiget wüu er über öppis nid usseit wo er züg isch worde oder was er gseh het oder erfahre het, obwou er e öffentleche Ufruef zu de Züge Ussag ghört het, de söll er sech für sis Vergehe verantworte.

2 Oder we öpper unbewusst irgend öppis Unreins berüehrt – öb de toti Körper vomene unreine Wildtier, emene unreine Huustier oder irgendwelchem unreine Chlingetier, de isch er unrein und het sech schuldig gmacht.

3 Oder we öpper unbewusst d Unreinheit vomene Mönsch berüehrt – irgendöppis Unreins, wo ne cha unrein mache – u's ihm de bewusst wird, macht är sech schuldig.

4 Oder falls öpper unüberleit schwört öppis z'tue – ganz glych öbs öppis guets oder öppis schlächts isch – und ihm hinderhär bewusst wird, dass är unüberleit het gschwore, macht är sich schuldig.bd

5 Macht er sech i eim vo dene Fäll schuldig, mues er sini Sünde bekenne.

6 O söll är Jehova für die begangeni Sünde e Schuudopfer bringe, u zwar es wiblichs Tier vo de Chliibwihärde, entweder e Lamm oder e jungi Geiss, als e Sündopfer. Denn söll de Prieschter für ihn Süne leischte für sini Sünde.

7 Cha är sech jedoch kes Schof leischte, söll är Jehova aus Schuldopfer für sini Sünde zwöi Turteltuube oder zwöi jungi Tuube bringe, eini aus Sündopfer und eine aus Brandopfer.

8 Är söll se zum Prieschter bringe und dä wird zersch eini vo de beide aus Sündopfer darbringe. Är söll ihre dr Chopf am Genick abknicke, ohni ihn abztrenne.

9 Är söll öppis vo däm Bluet vom Sündopfer ad Site vom Altar sprütze. Der Rescht vom Bluet söll är am Socku vom Altar usloufe la. Es isch e Sündopfer.

10 Di ander söu er aus Brandopfer nachem übliche Verfahre behandle. Dr Prieschter soll fir nen Sühn leischte fir de Sinde, de na begange het, un s wird nem vuge wäre.

11 Cha är sech o ke zwöi Turteltoube oder zwöi jungi Tuube leischte, de söll är aus Opfergabe für sini Sünde es zähntel Ẹphaal Feinmehl als Sündopfer bringe. Är söll ke Öl drzue mache und ke Wiehrauch druflege, denn es isch e Sündopfer.

12 Är sölls zum Prieschter bringe und dr Prieschter söll e Handvoll drvo aus symbolischs Opfer ufem Altar uf de Füüropfer Jehovas in Rauch lah ufgah. Es isch e Sündopfer.

13 Der Prieschter soll für ihn Süne leischte für die Sünde, won er begange het, für jedi vo dene Sinde, und es wird ihm vergäh. Dr Rest vom Opfer ghört em Prieschter, genauso wie bim Getreideopfer.

14 Witer het Jehova zu Moses gseit:

15 "Faus sech öpper us Versehe a öppis versündiget, was für Jehova gheiligt isch, und dadurch untreu handlet, söll är Jehova als Schuldopfer ä fählerlose Schoofbock vo dr Chliviehärde bringe. Sy Wärt i Silberschekel wird nach em Standardschekel vom Heiligtum feschtgleit.

16 Er söll für die Sünd woner gäg de heilig Ort agfange het, Ersatz leischte und no es Füftel vom Wärt derzue gä. Är sölls däm Prieschter gä, damit dr Prieschter mit em Schofbock als Schuldopfer für ihn cha d Sühn leischte, und es wird ihm vergäh.

17 Wenn öpper sündigt indem er unbewusst irgendöppis tuet wo Jehova verbote het, ischer schuldig. Är söll sich für sis Vergehe verantworte.

18 Är söll em Prieschter als Schuldopfer e fählerlose Schafbock vo der Chlyyviehherde bringe – entsprächend em Schätzwärt. Dr Prieschter söll denn für ihn Sühn leiste für de unabsichtliche Fähler, woner unbewusst agfange het, und es wird ihm vergäh.

19 Es isch e Schuldopfer. Är het ämu gäge Jehova gsündet u sech so schuldig gmacht."

Rico Loosli 6934 Bioggio
in bibel Bärndütsch
Zugriffe: 333

3.Moses 4 vo 27

 

3.Moses 4 vo 27

4:1 Jehova het witer zu Moses gseit:

2 "Teili de Israelite mit: 'Falls öpper us Versehe sündigt indem er irgendöppis duet wo Jehova verbote het gilt Folgendes:

3 We dr gsalbti Prieschter sündiget u Schuld uf ds Volk ladet, de söll är Jehova für die Sünde, won är begange het, e fählerlose junge Stier aus Sündopfer darbringe.

4 Är söll dr Schtiir an Igang vom Zält vor Zämekunft vor Jehova bringe und sini Hand ufe Chopf vom Stier lege und är söll dr Schtiär vor Jehova schlachte.

5 De söu dr gsalbti Prieschter öppis vom Bluet vom Stier näh u se i ds Zäut vor Zämekunft bringe.

6 Der Prieschter soll sy Finger i ds Bluet tauche und öppis vom Bluet siebemau vor Jehova vor der Vorhang vom heilige Ort sprütze.

7 Der Prieschter söu o öppis vom Bluet uf d Hörner vom Röcheraltar due, wo vor Jehova im Zäut vor Zämekunft steit. Ds räschtliche Bluet vom Stier söu er ar Socku vom Brandopferautar am Iigang vom Zäut vor Zämekunft güsse.

8 De söu er vom Sündopferstier aues Fett entferne, u zwar ds Fett, wo d Eigweid bedeckt, u ds Fett, wo um d Eigweid ume isch,

9 u di beide Niere mit em Fett dra wo ir Ländegänd isch. Är söll o ds Fett ar Läber zäme mit de Niere entferne.

10 Es söll zgliche entfernt werde wie bimene Stier wo als Gmeinschaftsopfer darbrocht wird. De Prieschter söll alles ufm Brandopferaltar in Rauch lah ufgah.

11 D Hut vom Stier jedoch u sis ganze Fleisch mitem Chopf, de Unterschänkle, de Iigweide u ihrem Inhalt

12 auso alles Übrige vo däm Stier – söll är usserhaub vom Lager a reine Ort bringe la, dert wo me d Äsche häreschüttet. Är sölls uf me Holzfüür verbrönne. Es söll da verbrennt werde wo me d Äsche aneschüttet.

13 Agnoh, di ganz Gmeind Israel ladt dur e unabsichtlichi Sünd Schuld uf sich, aber es isch dr Versammlig nid bewusst, dass si öppis gmacht het wo Jehova verbote het.

14 We d Sünde denn bekannt wird, mues d Versammlig e junge Schtier aus Sündopfer darbringe und ne vor ds Zäut vor Zämekunft füehre.

15 D Älteschte vo dr Gmeind söue vor Jehova ihri Händ uf e Chopf vom Stier lege und dr Stier söu vor Jehova gschlachtet wärde.

16 Dänn söu dr gsalbti Prieschter öppis vom Bluet vom Stier i ds Zäut vor Zämekunft bringe.

17 Der Prieschter soll sy Finger i ds Bluet tauche und öppis dervo sibemou vor Jehova vor der Vorhang sprütze.

18 Är söll de öppis vo däm Bluet uf d Hörner vom Altar due, wo im Zält vo de Zämekunft vor Jehova schteit. Ds räschtliche Bluet söll är a de Sockel vom Brandopferaltar am Iigang vom Zält vor Zämekunft güsse.

19 Är söll ds ganze Fett entferne unds uf em Altar i Rauch la ufgah.

20 Mit dem Stier soll genauso verfahre wie mit em andere Sündopferstier. So söll ers mache. De Prieschter söll für sie Süne leiste und es wird ihne vergäh.

21 Är söu dr Schtiär vors Lager la usbringe u ne verbrönne, so win er der erschti Stier verbrönnt het. Es isch e Sündopfer für d Versammlig.

22 Wenn e Vorsteher unabsichtlich sündiget indem er irgendöppis tuet wo Jehova si gott verbote het und sech so schuldig macht

23 oder we er sech einere Sünd bewusst wird, dür die er gäg es Gebot verstosse het, de söll er aus Opfergabe ä fählerlose junge Geissbock bringe.

24 Er söll sini Hand uf de Chopf vom junge Bock lege und ihn a dem Ort schlachte, wo me s Brandopfer vor Jehova schlachtet. Es isch e Sündopfer.

25 Der Prieschter söu mit sym Finger öppis vom Bluet vom Sündopfer näh u uf d Hörner vom Brandopferautar tue. Das räschtliche Bluet söll er a de Sockel vom Brandopferaltar güsse.

26 Das ganze Fett söll er wi ds Fett vom Gmeinschaft ¬opfer uf em Altar i Rauch la ufgah. Dr Prieschter söll für ihn Sühn leischte für sini Sünde und es wird ihm vergäh.

27 We öpper vom Volk vom Land unabsichtlech sündiget u sech schuldig macht indem är öppis tuet wo Jehova verbote het,

28 oder we er sech einere Sünd bewusst wird, woner agfange het, de söll er aus Opfergabe für sini Sünd es fählerloses jungs Geissewyble bringe.

29 Är söll sy Hand uf e Chopf vom Sündopf lege und a däm gliche Ort schlachte wi ds Brandopfer.

30 Dä Prieschter söll mit sym Finger öppis vom Bluet näh u uf d Hörner vom Brandopferaltar tue. Das räschtliche Bluet söll er a de Sockel vom Altar güsse.

31 Er söu aues Fett entferne, so wie ds Fett vom Gmeinschaftsopfer entfärnt wird, u dr Prieschter söu s uf em Altar i Rouch la ufga, um e agnähme Gruch für Jehova z erzüge. Dr Prieschter söll für ihn Sühn leiste und es wird ihm vergäh.

32 Bringt er aber ä Lamm aus Sündopfer, söu es fählerloses wiblichs Tier si.

33 Är söu sy Hand uf e Chopf vom Sündopf lege u s aus Sündopfer a däm Ort schlachte, wo der Brandopfer gschlachtet wird.

34 Der Prieschter söu mit sym Finger öppis vom Bluet vom Sündopfer näh u uf d Hörner vom Brandopferautar tue. Das räschtliche Bluet söll er a de Sockel vom Altar güsse.

35 Är söu aues Fett entferne, genauso wi ds Fett vom junge Schafbock bim Gmeinschaftsopfer entfärnt wird, u dr Prieschter sölls uf em Altar uf de Füüropfer Jehovas in Rauch lah ufgah. Dr Prieschter soll fir nen Sühn leischte fir de Sinde, de na begange het, un s wird nem vuge wäre.