-
Rico Loosli 6934 Bioggio
-
Zugriffe: 294
D Psalme 147 bis 150
D Psalme 147 bis 150
147:1 Priist Jah!
Es isch guet für üsen Gott Lieder z singe.
Wie schön u passends doch isch ne z priise!
2 Jehova baut Jerusalem.
D Verstreute Israels sammlet er ii.
3 Är heilt die wo ds Härz broche isch.
Ihri Wunde verbindet er.
4 Er zeut d Sterne.
Si alli rüeft er mit Name.
5 Üse Herr isch gross u sini Macht isch gwautig.
Unermesslich isch sin Verstand.
6 Jehova hilft de Sanfte uf,
aber di Böse schleuderet er z Bode.
7 Singt Danklieder für Jehova.
Stimmt für üse Gott Lobgsäng a mit Harfebegleitig
8 für dä wo der Himmel mit Wulche bedeckt,
wo d Erde mit Räge versorgt,
wo uf de Berge Gras laht la sprüsse.
9 Der Tier git er Nahrig,
dä jung Rabe, wo när schreit.
10 D Chraft vom Ross beiidruckt ihn nid.
No imponiere ihm di chräftige Bei vomene Maa.
11 Jehova findet Gfalle a dene wo Ehrfurcht vor ihm händ,
a dene, wo uf sini loyali Liebi warte
12 Verherrliche Jehova, o Jerusalem.
Priise di Gott, o Zion.
13 Er macht d Riegel vo dinere Tore stabil.
Är signet dini Söhn i dire Mitti.
14 Dim Gebiet schenkt är Friede.
Mit em beschte Weize macht är dich satt.
15 Er schickt si Befähl zur Ärde.
Sy Wort chunt schnell as Ziel.
16 Er schickt dr Schnee wi Wulle.
Der Ruureif vrschtreut er wi Äsche.
17 Sini Hagelstei schleuderet är abe wi Brotbrocke.
Wär cha sire Chälti standhaute?
18 Er git e Befähl und se schmelzed.
Är laht si Wind wehe u ds Wasser flüst.
19 Sy Wort verkündet är Jakob,
sini Vorschrifte u Urteile Israel.
20 Das het er mit niemerem vo de andere Völcher so gmacht.
Si wüsse nüt vo sine Urteilsprüch.
Priist Jah!