GTranslate Wähle deine Sprache

bibel Bärndütsch

Rico Loosli 6934 Bioggio
in bibel Bärndütsch
Zugriffe: 248

D Psalme 27 vo 150

 

 

D Psalme 27 vo 150

Vo David.

27:1 Jehova isch mis Liecht u mini Rettig.

Vor wem söui mi fürchte?

Jehova isch d Feschtig vo mim Läbe.

Vor wem söui verschrecke?

 2 Aus schlechti Mönsche uf mi losgange um mi z verschlinge

si mini Gägner u Fiinde gsi, wo stolperet u gheit hei.

 3 Sött mi ä Heer belage,

wird sech mis Härz nid fürchte.

Sött Chrieg gäge mi usbräche,

selbst de wirdi zueversichtlich bliibe.

 4 Um eis hani Jehova bätte,

u das wünsche i mir:

dasi im Huus Jehovas wohne dörf mis Läbe lang,

zum beobachte wi guet Jehova isch,

u dankbar si Tempel z betrachte.

 5 Denn är wird mir am Tag vom Unglück Unterschlupf gwährle.

Amene gheime Ort, sim Zelt, wird er mi verberge.

Uf e höche Felse wird er mi stelle.

 6 Jitz triumphier i über mini Fiind, wo mi umringed.

I wirde vor sim Zelt luut jublend opfere.

Für Jehova wirdi Lieder singe.

 7 Hör min Schreie, o Jehova.

Schänk mir dini Gunst u antworte mir.

 8 Stellverträtend für di seit mis Härz:

"Suechet mi uf."

Dich o Jehova, wirdi ufsueche.

 9 Verbirg dis Gsicht nid vor mir.

Wis dine Diener nid ab i dim Zorn.

Du bisch min Helfer.

Gib mi nid uf u verlah mi nid, min Gott der Rettig.

10 Säubscht we mi eigete Vater u mini eiget Mueter mi im Stich laht,

Jehova wird mi ufnäh.

11 Lehr mi din Weg, o Jehova.

Füehre mi ufem Pfad vo de Ufrichtigkeit wäg minere Find.

12 Lieferä mi nid mine Gägner us.

Denn falschi Züüg hei mi aklagt

u drohe mir mit Gwaut.

13 Wo wär ig weni nid de Gloube hätt,

dasi im Land vo de Lebende gseh wirde wie guet Jehova isch?

14 Hoffe uf Jehova.

Bis muetig u dis Herz isch starch.

Ja hoffe uf Jehova.

Rico Loosli 6934 Bioggio
in bibel Bärndütsch
Zugriffe: 330

D Psalme 120 bis 150

 

 

D Psalme 120 bis 150

Es Lied vo de Ufstiege.

120:1 In meiner Not rüeuf i zu Jehova

un na het ma antwortet.

 2 O Jehova, rette mi vor verlognete Lippe,

vor de hinterlistige Zunge.

 3 Was wird Gott mit dir mache, wie wird er dich bestrafe,

du hinterlistigi Zunge?

 4 Mit spitze Pfiili vomene Chrieger

u glühende Chole us Ginsterholz.

 5 Wehe mir denn i ha als Frömde in Mẹschech gläbt!

Zmitz unger de Zelte vo Kẹdar hani gwohnt.

 6 Viu zlang hani bi dene gwohnt,

d Friede hassed.

 7i bi für Friede aber was i o säge,

si für Chrieg.

Rico Loosli 6934 Bioggio
in bibel Bärndütsch
Zugriffe: 314

D Psalme 118 bis 150

 

 

D Psalme 118 bis 150

118:1 danket Jehova, denn er isch guet.

Sini loyali Liebi bliibt für immer.

 2 Israel söu iz säge:

"Sini loyali Liebi bliibt für immer."

 3 Die vom Huus Aaron söue iz säge:

"Sini loyali Liebi bliibt für immer."

 4 D Ehrfurcht vor Jehova hei, söue itze säge:

"Sini loyali Liebi bliibt für immer."

 5 I mim Not hets Jah ahgrüeft.

Jahr het gantwortet u mi anen sichere Ort bracht.

 6 Jehova isch uf minere Siite, i wird mi nid fürchte.

Was cha en Mönsch mir atue?

 7 Jehova isch uf minere Siite als min Helfer.

I wirde triumphierend uf mini Hasser blicke.

 8 Isch besser bi Jehova Schutz zsueche,

als uf Mönsche zvertraue.

 9 Isch besser, bi Jehova Schutz zsueche,

als uf Mächtige z vertraue.

10 Aui Völker hei mi umringet,

doch im name Jehovas

hani se abegwehrt.

11 Si hei umringet, ja umschlossä mi,

doch im Name Jehova

hani se abegwehrt.

12 Wi Biele hei si um mi ume gschwirrt,

doch si verlosche so schnäu wi brennends Dornegstrüpp.

Im Name Jehovas

hani se abegwehrt.

13 Me het mi hert gstosse, damit i umgfloge bi,

aber Jehova het mer ghulfe.

14 Jahr isch mini Zueflucht u mini Stärchi

u er isch mer zur Rettig worde.

15 Der Klang vom Jubel u der Rettig

isch i de Zelte vo de Grächte.

Di rechti Hand Jehovas zeigt sech mächtig.

16 Die rechti Hand Jehovas erhebt sich.

Di rechti Hand Jehovas zeigt sech mächtig.

17 Ig wird nid sterbe, nei ig wird läbe,

um d Tate Jahre z verchünde.

18 Jah wies mi sträng zrächt,

aber däm Tod het er mi nid übergäh.

19 Öffnet mer d Tore vor Gerechtigkeit.

I wirde inegah und ja priise.

20 Das isch ds Tor Jehovas.

Dur das Tor werde d Grechte iizieh.

21 Ig wird di priise, denn du hesch mir gantwortet,

u du bischmer zur Rettig worde.

22 Der Stei wo d Baulüt verworfe hei,

dä isch zum Houptteckschtei worde.

23 Das het Jehova bewirkt.

Es isch wunderbar i üsne Ouge.

24 Das isch dr Tag, wo Jehova gmacht het.

A däm Tag werde mir üs fröie u juble.

25 Ach Jehova, bitte rett eus!

Jehova, bitte schenk üs de Sieg!

26 Gsägnet isch dä wo im Name Jehovas chunt.

Vom Huus Jehovas us segnemer eu.

27 Jehova isch Gott.

Är git üs Liecht.

Mit Zwöie i de Händ begleitet de Feschtumzug

bis ad Hörner vom Altar.

28 Du bisch min Gott u i wirde di priise

Mein Gott i wirde di rüehme.

29 Dank Jeova, denn er isch guet.

Sini loyali Liebi bliibt für immer.

Rico Loosli 6934 Bioggio
in bibel Bärndütsch
Zugriffe: 314

D Psalme 117 bis 150

 

 

D Psalme 117 bis 150 dr chliinscht Biblevers

117:1 Preist Jehova, all ihr Natione.

Verherrlicht ihn, all ihres Völker.

 2 Denn gross isch sini loyali Liebi zu üs.

D Treue Jehovas bliibt für immer.

Priist Jah!