bibel Bärndütsch

D Psalme 30 vo 150

Es Musigstück. Es Lied zur Einweihung vom Huus. Vo David.

30:1 i wird di rüehme o Jehova, denn du hesch mi ufgholt,

du hesch nid zueglah das sech mini fiind über mis Elend freued.

 2 O Jehova, min Gott, i ha dir um Hilf grüefe und du hesch mi gheilt.

 3 O Jehova, du hesch mi usem Grab ufgholt.

Du hesch mi am Läbe becho, mi drvor bewahrt i d Gruebe ds sinke.

 4 Singt Lieder für Jehova, dir, sini Loyale,

priist sy heilige Name.

 5 Denn unger sim Zorn steit me nume e Augeblick,

doch i sinere Gunst steit me es Läbe lang.

We me o am Abe Träne vergisst, am Morge herrscht Jubel.

 6 Wo ig ke Sorge ha hani gseit:

"Mich cha nüt erschüttere".

 7 O Jehova wo i dinere Gunst gstande bi hesch mi so starch gmacht wiene Berg.

Doch wo dis Gsicht verbarsch geriet i Schrecke.

 8 Zu dir, o Jehova, hani unufhörlich gruefe.

Immer wider hani zu Jehova um Gunst gfleit.

 9 Was bringt scho mi Tod, ja mi Wäg i ds Grabb?

Wird di dr Staub öppe prise? Wird er vo dire Treue brichte?

10 los, o Jehova, u schänk mer dini Gunst.

O Jehova, seg mis Helfer.

11 Mini Truur hesch z Tanz verwandlet.

Ds Sacktuech hesch mer abgnoh u du chleidisch mi mit Fröid,

12 damit ig di mit mine Lieder cha priise u nid still blibe.

O Jehova, mein Gott, für immer wirdi di priise.

D Psalme 29 vo 150

E Musigstück vom David.

29:1 Gäbet Jehova, was ihm zuestaht, ihr Söhn vo Mächtige,

gebed Jehova, was ihm zuestaht wäg sinere Herrlichkeit und Stärchi.

 2 Gänd Jehova d Ehr, wo sim Name gebührt.

Verbüüget euch i prächtige heilige Gwänder vor Jehova.

 3 Die Stimm Jehovas isch über de Wassermasse z'ghöre.

De herrlich Gott dunneret.

Jehova isch über grosse Wassermasse.

 4 D Stimm Jehovas isch chraftvoll.

D Stimm Jehovas isch majestätisch.

 5 D Stimm Jehovas spaltet d Zedere.

Ja Jehova verbricht d Zedern vom Lịbanon.

 6 Er laht der Lịbanon springe wi ne Kalb

u Sịrjon wi ne junge Wildstier.

 7 D Stimm Jehovas schlaht mit Füürflamme zue.

 8 D Stimm Jehovas laht d Wildnis erbebe.

Jehova laht d'Wildnis vo Kạdesch erbebe.

 9 D Stimm Jehovas bringt d Hirschchue vor Schreck zum Chalbe

u macht d Wälder kahl.

Und alli i sym Tempel rüefe: "Ehre sei Gott!"

10 Jehova thront über de Flutena.

Jehova thront für immer aus König.

11 Jehova wird sim Volk Kraft gäh.

Jehova wird sys Volk mit Friede segne.

D Psalme 28 vo 150

Vo David.

28:1 Zu dir rüef i unufhörlich, o Jehova, mein Fels,

steu di nid taub.

We witer schwiigsch,

Werd i wi die, wo i ds Grab hiigöh.

 2 Ghöre mini flehentliche Bitte, wenni zu dir um Hilf arüefe,

weni d Händ zum Innerschte vo dim Heiligtum erhebe.

 3 Zerre mi nid wäg mit de Böse, mit dene wo Schädlichs tribe,

die mit ihrem Mitmönsche Wort vom Friede rede, obwou si Schlächts im Härze hei.

 4 Zahle ihne ihri Tate hei,

entsprächend ihre Schlächtigkeite.

Gib ne was se verdiene,

entsprechend em Tue vo ihrere Händ.

 5 Denn si achte nid uf d Tate Jehovas

no ufs Wärch vo sinere Händ.

Är wird se niederriisse und nid ufboue.

 6 Gepriesen sei Jehova,

denn är het mini flehentleche Bitte um Hilf ghört.

 7 Jehova isch mini Chraft u mis Schild.

Uf ihn vertrout mis Härz.

Är het mir ghulfe u i fröie mi vo Härze.

Drum söu mis Lied ne priise.

 8 Jehova isch Stärchi für sis Volk.

Är isch e Feschtig, wo sim Gsalbte grossartigi Rettig verschafft.

 9 Rette dis Volk u sign dis Erbe.

Hüts u trage es für immer i di Arme.