GTranslate Wähle deine Sprache

bibel Bärndütsch

Rico Loosli 6934 Bioggio
in bibel Bärndütsch
Zugriffe: 281

D Psalme 16 vo 150

 

 

D Psalme 16 vo 150

E Miktạma vom David.

16:1 Beschützt mi o Gott, denn bi dir hani Zueflucht gsuecht.

 2 I ha z Jehova gseit: "Du bisch Jehova vo däm aues chunnt wo ig Guetem ha.

 3 U a de Heilige uf der Ärde,

der Majestätische, hani grossi Freud.

 4 Viu Chummer handlet sech dr eint, wo angere Götter nachelouft.

I wirde niemols für se Trankopfer us Bluet güsse

no ihre Name is Muul näh.

 5 Jehova isch mi Ateil, wo mir Zuegwieseni, mi Bächer.

Du bewahrsch mis Erbe.

 6 Schöni Gägendä si für mi usägmässä wordä.

Ja, i bi zfride mit mim Erbe.

 7 Ig wird Jehova, mi Ratgeber, priise.

Sälbscht nachts korrigiere miini innerschte Gedanke.

 8 Ig bhalte Jehova ständig vor Ouge.

Wül er a minere rächte Site isch, werdi nid z erschüttere si.

 9 Drum freut sech mis Herz, mis ganze Ig isch glücklech

u ig lebe ir Sicherheit.

10 Denn wirsch mi nid im Grab lah.

Du wirsch dä wo loyal zu dir steit nid d Grube la gseh.

11 Du lahsch mi dr Wäg vom Läbe erkenne.

I dire Gägäwart herrscht unändlechi Fröid,

a dire rächte Site ewigs Glück.

Rico Loosli 6934 Bioggio
in bibel Bärndütsch
Zugriffe: 252

D Psalme 15 vo 150

 

 

D Psalme 15 vo 150

Es Psalm vom David.

15:1 O Jehova, wär darf Gast i dim Zelt si?

Wär darf uf dim heilige Bärg wohne?

 2 Wär es iwandfreis Läbe füehrt,

wer tuet was richtig isch,

un i sinem Herz sait d Wohrheit.

 3 Är verleumdet nid mit syre Zunge,

tuet sim Mitmönsche nüt Böses

u schädiget nid dr Ruef vo sinere Fründe.

 4 Jede wo Verachtig verdient, wiischt er zrug,

doch wer Ehrfurcht vor Jehova het, der ehrt er.

Är nimmt sy Verspräche nid zrügg, o we's ihm Nachteil bringt.

 5 Verleiht er Gäud, de verlangt er ke Zinse,

e Beschtächig zum Schade vom Unschuldige nimmt er nid a.

Wer so handlet wird nid z erschüttere.

Rico Loosli 6934 Bioggio
in bibel Bärndütsch
Zugriffe: 268

D Psalme 14 vo 150

 

 

D Psalme 14 vo 150

Für dr musikalisch Leiter. Vo David.

14:1 D Unvernünftige säged sich:

"Es git ke Jehova".

Korrupt sy ihri Tate, abscheulech ihres Verhalte.

Keine tuet Guets.

 2 Doch Jehova luegt vom Himmel uf d Mönsche abe,

zum gseh ob irgendöpper Iisicht het,

ob irgendöpper Jehova suecht.

 3 Aui hei sech abgwandt,

si aui grad korrupt.

Keine tuet Guets,

ou nid eine.

 4 Het denn keine vo dene wo verchehrt handle, Verstand?

Si verschlinge mis Volk aus wärs Brot.

Jehova rüefe se nid ah.

 5 Grosse Schrecke wird se erfülle,

denn Jehova schteit dr Generation vom Grechte zur Siite.

 6 D Plän vom Benochteiligte wetder vereitle,

doch Jehova isch sini Zueflucht

 7 Ach, chöm doch nume us Zion Rettig für Israel!

We Jehova sys Volk us dr Gfangeschaft zrüggholt –

was für e freud für Jakob, ganz Israel söll juble!

Rico Loosli 6934 Bioggio
in bibel Bärndütsch
Zugriffe: 239

D Psalme 13 vo 150

 

 

D Psalme 13 vo 150

Für dr musikalisch Leiter. E Psalm vo David.

13:1 Wie lang, o Jehova, wirsch mi vergesse? Für immer?

Wie lang wirsch Dis Gsicht vor mir verberge?

 2 Wie lang werde mi Sorge quäle,

wird Chummer Tag für Tag mis Härz belaste?

Wie lang wird mis Find über mich triumphiere?

 3 Schau uf mi u antworte mir o Jehova, min Gott.

Bring Liecht i mine Ouge, damit i nid in Todesschlaf sinke,

 4 damit mis Find nid seit: "Ich ha ne bsiegt!"

Mini Gegner sölled sich nid über mi Undergang freue.

 5 Ig vertraue uf dini loyale Liebi,

mis Herz wird über dini Rettigstate juble.

 6 Ich wird für Jehova singe, denn er het mi riich belohnt.