5.Moses 6 vo 34

5.Moses 6 vo 34

6:1 Ds jitz sy d Gebot, d Vorschrifte u Rächtsentscheidige, d Jehova, eu Gott, mir het gä, um sie euch z lehre, damit ihr se i dem Land befolge, wo ihr überezieht, zums in Bsitz näh.

2 Du söttsch jede Tag dis Läbe vor Jehova, dim Gott, Ehrfurcht ha u aui sini Bestimmige u Gebot halte wo ig dir gib – du, di Sohn u din Änkel, damit du lang lebsch.

3 U du Israel, sollsch zuelose u sie genau beachte damit es dir guet geit u du i dem Land wo Milch u Honig flüsset, sehr zahlrich wirsch wie Jehova, de Gott vo dine Vorfahre, es dir versproche het.

4 Hör, Israel: Jehova isch unser Gott, es git nume e Jehova.

5 Liebi Jehova, di Gott, mit dim ganze Herze, dim ganze Seel und dinere ganze Chraft.

6 Die Gebot woni dir hüt gib, söue i dim Härz si,

7 und du söusch se dine chind iischärfe u devo rede we du i dim huus hocksch u wed uf em wäg geisch we di lisisch u wed ufsteisch.

8 Bind si dr aus Erinnerig ad Hand und si söue wi ne Stirnband uf dire Stirn si.

9 Schrib se uf d Türpfoschte vo dim Huus und a dini Tore.

10 Wenn Jehova, di Gott, di i des Land bringt, des er dir wird ge, wien er's di Vorfahre Abraham, Isaak un Jakob gschwore het, - es Land mit grosse, schöne Städt wo du nit baut hesch,

11 mit Hüser voll vo allerlei guete Sache, wo du nid gschaffet hesch, mit Zischtere wo nid usghaue hesch, mit Wygärte u Oliveböim wo nid pflanzt hesch – u we du gässe hesch u satt worde bisch,

12 när achti druf, dass du Jehova nid vergissisch wo di us dr Sklaverei z Ägypte usegfüehrt het.

13 Vor Jehova, dim Gott, söllsch Ehrfurcht ha und ihm söllsch diene und bi sim Name söllsch schwöre.

14 louf nid angeri Götter noche, irgendwelche Götter vo de Völker wo um di ume si,

15 denn Jehova di Gott wo i dinere mitti isch verlangt dasmer nume ihm elei ergäh isch. Andernfaus wird dr Zorn Jehovas, di Gottes, gege di u er wird di uf dr Erdoberflächi uslösche.

16 Du söllsch di gott Jehova nid uf d Probe stelle wie dus in Mạssa do hesch.

17 Heb di sorgfältig a d Gebot vo dim Gott Jehova u d Erinnerige u Vorschrifte, woner dir gä het.

18 Tu was in Jehovas ougä guet u richtig isch damits der guet geit u du i ds guete land wo Jehova dine vorfahre dürne eid zuegsicheret het izie u es i bsitz chasch nä,

19 idem aui dini Feind vor dir vertribsch so wi Jehova es gseit het.

20 Wenn di Sohn di i Zuekunft fragt: 'Was bedütet d Erinnerige, d Vorschrifte und d Rächtsentscheidige, d Jehova üses Gott eu gäh het?',

21 de antwort dim Sohn: 'Mir sind Sklave vom Pharao in Ägypte worde, aber Jehova het üs mit starker Hand us Ägypte usegfüehrt.

22 Jehova het vor üsne Ouge immer wider grossi, verheerendi Zeiche u Wunder a Ägypte, am Pharao u sire ganze Huusgmeinschaft gschafft.

23 Är het üs vo dert us gfüehrt zum üs hie häre z'bringe und üs ds Land z'gäh, das er üse Vorfahre düre Eid zuegsicheret het.

24 Denn wies üs Jehova a alli die Vorschrifte umzsetze und Ehrfurcht vor Jehova, üsem Gott zha, damits üs uf Duur guet geit u damit mir am Läbe chöi bliibe wies ja hütt dr Fall isch.

25 Es wird üs aus Grächtigkeit aagrechnet wemer us Gehorsam gägenüber Jehova, üsem Gott, aui die Gebot genau befolge, so win er's üs uftreit het.'