3.Moses 15 vo 27

3.Moses 15 vo 27

15:1 Jehova het wyter zu Moses und Aaron gseit:

2 "Red mit de Israelite und teile ihne mit: 'Faus e Ma e Usfluss us sim Gschlechtsorgan het, macht ne derä Usfluss unrein.

3 Är isch dadurch unrein, ob itz dr Usfluss us sim Gschlächtsorgan wyter flüsst oder obs verstopft isch – är isch unrein.

4 Jedes Bett wo de Maa mit em Usfluss ligt, u aues woner sitzt, söu unrein si.

5 Wer sis Bett berührt söll sini Chleider wäsche, sich im Wasser bade und bis zum Abe unrein si.

6 Wer sich uf öppis setzt, wo de Maa mitem Usfluss ghocket het, söll sini Chleider wäsche, sich im Wasser bade und bis zum Abe unrein si.

7 Wer der Körper vom Maa mit em Uusfluss berührt, söll sy Chleider wäsche, sich im Wasser bade und bis zum Abe unrein sy.

8 Faus dr Maa mit em Usfluss uf öpper spuckt wo ine isch söu dä sini Chleider wäsche, sech im Wasser bade u bis zum Obe unrein si.

9 Jede Sattel wo de Maa mit em Uusfluss riitet, söll unrein si.

10 Wär irgendöppis berührt, was ungerem Maa isch gsi, söu bis zum Abe unrein si, u wär söttigi Gägeständ trait, söll sini Chleider wäsche, sich im Wasser bade und bis zum Abe unrein si.

11 Wenn der Maa mit em Uusfluss öpper berüehrt, ohni sech d Händ gwäsche z ha, söll dä sini Chleider wäsche, sich im Wasser bade und bis zum Obe unrein si.

12 Berüehrt de Maa mit em Uusfluss es Tongfäss, sölls zerschlaa werde, und es Holzgfäss söll mit Wasser abgspüelt werde.

13 We dr Usfluss ufhört u dr Beträffendi drvo dri wird, söu är sibe Täg für sini Reinigung abzelle. Är söll sini Chleider wäsche, sich i frischem Wasser bade und rein si.

14 Am achte Tag söll er zwöi Turteltuube oder zwöi jungi Tuube näh, am Igang vom Zält vo de Zämekunft vor Jehova trätte und se em Prieschter gä.

15 Der Prieschter söu se opfere – die eint aus Sündopfer u di angere aus Brandopfer – u für dä Beträffende wäge sym Usfluss vor Jehova Süne leischte.

16 Faus itz e Maa e Samenerguss het, söu är sich ganz im Wasser bade und bis zum Abe unrein si.

17 Jedes Chleidigsstück u jedes Fella wo Samäflüssigkeit isch, söu mit Wasser gwäsche werde u bis zum Abe unrein si.

18 We e Maa bire Frou ligt und e Samenerguss het, söue si im Wasser bade u bis zum Abe unrein si.

19 Het e Frou e Bluetig, söu si wäge ihrere Mensstruation siebe Täg unrein blibe. Wär si berüehrt, söu bis zum Abe unrein si.

20 Aues, wo si sech i ihrere mönschleche Unreinheit leit oder setzt, söu unrein si.

21 Wer ihres Bett berüehrt, söll sini Chleider wäsche, sich im Wasser bade und bis zum Abe unrein si.

22 Wär irgend ä Gägestand berüert wo si ghocket het söu sini Chleider wäsche, sich im Wasser bade und bis zum Abe unrein si.

23 We si ufem Bett oder uf öppis angers ghocket het u öpper s berüert, isch är dür das bis zum Abe unrein.

24 Wenn e Maa bi ihre ligt und durch ihres Mänstrationsbluet unrein wird, söll er sibä Täg unrein sii. Jedes Bett woner sich leit wird unrein sii.

25 Het e Frou userhaub vo de übliche Zyt vo ihrere Mentration vil Täg Bluetige oder duuret ihre Usfluss länger aus gwöhnlech, de söu si di ganz Zyt, wo si der Usfluss het, unrein sy – wie während der Tag vo ihrere mönstruelle Unreinheit.

26 Jedes Bett, wo si i de Täg vo ihrem Usfluss ligt, wird wi ds Bett während ihrere menstruelle Unreinheit wärde. Jede gägestand wo si hockt wird unrein werde wie während ihrere menstruelle unreinheit.

27 Wer das Züg berüehrt, söll unrein sii. Är söll sini Chleider wäsche, sich im Wasser bade und bis zum Abe unrein si.

28 Het dr Usfluss jedoch ufghört, söll si für sich sibä Täg abzähle, u när isch si rein.

29 Am achte Tag söll si zwöi Turteltuube oder zwöi jungi Tuube näh u se zum Prieschter a de Iigang vom Zält vo de Zämekunft bringe.

30 Dr Prieschter söu die eint aus Sündopfer u di anger aus Brandopfer opfere u für d Frou wäg ihrem unreine Usfluss vor Jehova Süne leischte.

31 So sötte dir d Israelite vor dr eigene Unreinheit schütze damit si mini Stiftshütte wo i ihrer Mitti isch nid verunreinige und nid i ihrer Unreinheit sterbe.

32 Das Gsetz gilt we e Maa e Usfluss het oder wägemene Samenerguss unrein isch,

33 we e Frou wärend irere Mensstruation unrein isch, we e Maa oder e Frou e Usfluss het u we e Maa binere unreine Frou ligt.