1.Samuel 18 vo 31

1.Samuel 18 vo 31

18:1 Syt em Gspräch zwüsche David u Saul verbunde Jọnathan u David e engi Fründschaft, u Jọnathan het David wi sich sälber gliebt.

2 Vo däm Tag a het dr Saul David bi sich bhaute u het ne nümme zum Huus vo sim Vater la zrüggchere.

3 Jọnathan het mit David ä Fründschaftsbund gschlosse wüu är het gliebt wi sich säuber.

4 Är het sis ärmelos Obergewand gno und het s dr David zäme mit sinere Rüschtig, sim Schwert, sim Boge und sim Gürtel gä.

5 Drufhin isch David i Kampf uuszoge und isch überall gsi, wohi der Saul nä schickt het, erfolgriich. Drum het ihm dr Saul d Verantwortig für d Kämpfer übertreit – zur Fröid vom ganze Volk u dr Diener Sauls.

6 Immer wenn David und di andere vom Sieg über d Philịster heimchert hei, si d Fraue us aune Städt Israels König Saul mit Gsang und Tanz entgägecho. Si hei uf Tamburinä u Luut gspiut u ihm zuegschputzt.

7 Di fyrende Froue singe: "Saul het tuusigi erschlage u David Zehtusige."

8 Das Lied isch dr Saul ganz gfloge u gar nid und är isch huere hässig worde. "David schrybe si Zähntuusigi zu und mir nume Tusigi", het är gseit. "Fäut nume no, dass sy ihm d Königsherrschaft gäbe!"

9 Vo do a beobachtete Saul David voller Misstraue.

10 Am nächste Tag het nä ä vo Gott kommende schlächte Geischt packt, u während David wi schüsch Harfe gspiut het, het sech dr Saul im Huus eigenartig ufgführt. Är het e Speer ir Hand gha,

11 het ihn nach David gschluderet und gseit: "Ich werde David ad Wand spiesse!" Doch David het ihm zwei mal chöne entstah.

12 Do het dr Saul Angst vor David becho, denn Jehova isch uf David Siite gsi, dr Saul aber het er verlah.

13 der Saul het ihn us syre Nöchi entfärnt und ihn zum Oberschte vunere Tusigeschaft ernannt, u dr David het d Truppe i d Schlacht gführt.

14 David het witerhin bi allem gha, was er gmacht het, Erfolg, und Jehova isch an sinere Siite gsi.

15 Wo dr Saul het gseh, wi erfolgrich David isch gsi, het är Angst vor ihm übercho.

16 Doch ganz Israel und Juda het David gliebt, will er ihri Feldzüg agfüehrt het.

17 Spöter het de Saul zu David gseit: "Hie isch mini ältisti Tochter, Mẹrab. I wirde si dir zur Frou gä. Bewiis mir aber witer dini Muet u kämpf d Chriege Jehovas." Ingeheim het sich de Saul nämlich gseit: "Warum söll er dur mini Hand umcho? Sölled das doch d Philịster tue."

18 David erwideret Saul: "Wer bin ich und wer sind mini Verwandte, ja d Familie vo mim Vater in Israel, dass ich de Schwiegersohn vom König wärde sötti?"

19 Wo aber d Zyt isch cho, zu de Mẹrab, Sauls Tochter, David sötte gäh, isch si scho gsi Ạdriël, em Meholathịter, zur Frou gä worde.

20 Allerdings isch dr Sauls Tochter Mịchal in David verliebt gsi. Das het me dr Saul brichtet u är isch drüber erfreut gsi.

21 Är het sech gseit "I wird se ihm gäh, dermit si ihm zur Fau wird und är de Philịstern i d'Händ gheit." Auso het dr Saul es zwöits mau zum David gseit: "Hütt wirsch di mit mir verschwägere".

22 Usserdäm wies dr Saul sy Diener ah: "Seit heimlich zu David: 'Lueg mau, dr König het Gfaue a dir u aui sini Diener hei di gärn. Verschwägere di doch mit däm König.'"

23 Als Sauls Diener das zu David gseit het, het er entgägnet: "Denket dir villicht, me cha sich eifach so mit dem Chönig verschwägere? I bi doch nume e arme Maa und stah nid i höchem Asehe."

24 D Diener hend de Saul denn usgrichtet, was David gantwortet het.

25 Druf het dr Saul gseit: "Teilt David mit: 'Der König verlangt kein Bruutpriis, er wott nume 100 Vorhüüste vo de Philịster als Rache a sine Fäinde.'" Sauls Plan isch nämlich gsi, dass David dur d Hand vo de Philịster gheie sött.

26 Syni Diener händ dä David diä Wort überbrocht, und David isch demit iiverstande, sich mit em Chönig z verschwägere. Bevor d'Frist abgloffe isch,

27 het dr David mit sine Männer ufbracht, 200 Philịschter het em König ihri Vorhütte vollzählig abgloferet, um sech mit ihm z verschwägere z chönne. Auso het ihm dr Saul sy Tochter Mịchal zur Frou gä.

28 Saul het erkennt, dass Jehova uf David Syte gsi isch und dass sy Tochter Mịchal ne gliebt het.

29 Da het dr Saul no meh Angst vor David becho und isch für dr Räscht vo sim Läbe sy Find worde.

30 D Philịsterfürste hei immer wieder i d Schlacht zoge, aber sooft es zum Kampf cho isch, isch dr David erfolgricher gsi aus aui Lüt Sauls, u si Name isch sehr gachtet worde.