1.Moses 8 vo 50

1.Moses 8 vo 50

8:1 Gott wandt de Noah u aune Wild- u Huustier, wo mit ihm ir Arche si gsy, sini Ufmerksamkeit zue. Är het e Wind über d Ärde la weh und s Wasser agfange z sinke.

2 D Quelle vom töife Wasser u d Schleuse vom Himmu si verschlosse worde u es het ufghört rägne.

3 S'Wasser uf dr Ärde isch nach u nach zrug gange. Nach 150 Tag isch es dütlech weniger worde.

4 Am 17. Tag vom 7. Monet het d Arche uf em Gebirge gsetzt Ạrarat ufgsetzt. 5 Bis zum 10. Monet het ds Wasser ständig abgnoo. Am Erschte vom 10. Monet hei d Bärggipfel erschiene.

6 Nach 40 Täg het der Noah ds Fänschter göffnet, woner i d Arche gmacht het,

7 u het e Rabe la flüge. Dä isch use gfloge u isch immer wider zruggcho, bis ds Wasser vor Erde wägtrochnet het.

8 spöter het noah e tuube flüge zum gseh ob ds wasser uf dr erdoberflächi zrug gange isch.

9 Doch wüu d Erdoberflächi no ganz mit Wasser bedeckt isch gsy, het di Tuube ke Platz gfunde, wo si sech het chönne anesetze und het chönne usrüefe. Drum isch si z Noah zrugg cho. Är het sy Hand uusgschtreckt u het si i d'Arche gholt.

10 Nochdem är wyteri 7 Täg gwartet het, het är die Tuube wider us dr Arche loh.

11 Wo d Tuube gäge Abe zu ihm zrügg isch cho, het er es früsches Oliveblatt i ihrem Schnabel gseh. Da het dr Noah gwüsst, dass sich ds Wasser vor Erde zrugg zoge het.

12 Nach wiitere 7 Täg het er d Toube no einisch la flüge, aber dasmal isch si nümme zu ihm zruggcho.

13 Im 601. Jahr, am erschte Tag vom erschte Monet isch ds Wasser abgloffe gsi. Noah het d'Abdeckig vor Arche entfärnt und het gseh, dass dr Erdbode abtrochnet het.

14 Am 27. Tag vom 2. Monet isch d Erde troche gsi.

15 Da het Gott zu Noah gseit:

16 "Gang mit dire Frou, dine Söhn u de Froue vo dinere Söhn us der Arche use.

17 Lass o alli Tier use: di flügende Tier, d Huustier und all di Tier, wo sech ufem Erdbode fortbewege. Si söue sech uf der Ärde vermehre, fruchtbar sy und viu wärde."

18 Noah isch auso mit syne Söhn, si Frou u d Froue vo sire Söhn use gange.

19 Aui Tier verliesse nach Gattige gordnet d Arche – alles, wo kriegt u fliegt u sech uf der Erde fortbewegt.

20 Noah het denn e Altar für Jehova bout. Är het vo aune reine flüügende Tier gno u vo aune angere reine Tier einigi u opferte Brandopfer ufem Altar.

21 Da het Jehova e agnehme Gruch wohr gno. Und Jehova het sich gseit: "Nie widr wird i wäg de Mönsche dr Erdbode verflueche, denn dr Mönsch het vo Jugend a Hang zum Schlechte im Herze. I wirde nie widr aues Läbe vernichte wi igs tue ha.

22 Vo jitz aa wärdä uf der Ärde Saat u Ernte, Chälti u Hitz, Summer u Winter, Tag u Nacht niemau ufhöre."