1.Moses 9 vo 50

1.Moses 9 vo 50

9:1 Gott het de Noah gsägnet u sini Söhn u het zue nene gseit: "Sig fruchtbar, vermehrt euch u bevölkeret d Erde.

2 Alli Tier, wo uf der Ärde läbe, wo am Himmu flüge u wo sech ufem Ärdbode fortbewege, u aui Fisch im Meer wärde sich wyter vor euch fürchte u vor euch vrschrecke. Si si itz i dire Hand.

3 Aui Tier wo am Läbe si, chöi euch aus Nahrig diene. So wien i euch di grüene Pflanze geh ha, gib i euch ou.

4 Nume Fleisch mit sym Läbe – sim Bluet – döfder nid ässe.

5 Usserdäm: I wirde für eues Bluet – eues Läbe – Rächeschaft fordere. I wirde vo jedem Läbewäse Rächeschaft fordere. Und ig wird jede Mönsch fürs Läbe vo sim Brüeder zur Verantwortig zieh.

6 Wer das Bluet vo Mensche vergisst, däm si Bluet wird dür Mensche vergosse werde, denn Gott het de Mensche i sim Bild gmacht.

7 Und dir, sit fruchtbar u werde vieli. Vermehred eu stark uf de Erde u werded zahlriich."

8 Denne het Gott zu Noah u syne Söhn gseit:

9 "Ich schlüss etz en Bund mit eu und euen Nachkomme

10 u mit aune Läbewäse, wo mit Öich us der Arche si cho – de Vögle, de Huustier u de Wildtier –, also mit allne Läbewäse uf der Ärde.

11 Ja, i schlüsse e bund mit eu: Nie wider wird e fluet alles läbe uslösche und nie wider wird e fluet d erde vernichte."

12 Wyter het Gott gseit: "Das isch ds Zeiche für dr Bund zwüsche ma un äich un allne Läbäwäse, de bi äich sin, für alli zuekünftige Generatione:

13 I setz mi Rägeboge i d Wulche. Är söu ds Zeiche füre Bund zwüsche mir u dr Erde si.

14 Immer wenn i Wulche über d Ärde lo zieh und der Rägeboge drin erschiint,

15 wird ig mi ganz bestimmt an Bund zwüsche mir und euch und jede Art Lebewese erinnere. Nie widr wird ds Wasser zunere Fluet wärde, wo aues Läbe uslöscht.

16 Wenn dr Rägeboge i Wuuche entstaht wird ig ihn ganz bestimmt gseh und mi an ewige Bund zwüsche mir und jede Art Läbewäse uf der Erde erinnere."

17 Gott het denn nomol zu Noah gseit: "Das isch ds Zeiche für de Bund, woni mit allem schlüsse, was uf der Erde läbt."

18 D Söhn Noahs, wo us dr Arche cho si, si Sem, Ham u Jạphet gsi. Ham isch spöter dr Vater vo Kạnaan worde.

19 Das si di drü Söhn Noahs gsi. Vo ihne stamme alli Mönsche ab, wo sech uf dr Erde usbreitet hei.

20 Noah het denn agfange, Ackerbau z betriebe, und het e Wigarte a gleit.

21 Won är amene Tag Wy trunke isch är betrunke worde u isch unbedeckt i sym Zäut gläge.

22 Ham, der Vater vom Kạnaan, het denn d Nacktheit vo sim Vater gseh und het's sy beide Brüedere usse gseit.

23 Da hei Sem u Jạphet es Chleidigsstück gno, hei si uf ihri Schultere gleit u si rückwärts ihgange. Mit abgwandte Gsicht hei si ihre Vater zue deckt und si hei sini Nacktheit nid gseh.

24 Aus Noah us sym Wyrusch het ufwachet u het erfahre, was sy jüngschte Bueb ihm aataa het,

25 hetter gseit:"Kạnaan söll verfluecht si. Er söll de niedrigst Sklave sinere Brüeder werde."

26 Witer het er gseit "Jehova, de Gott Sems, söll gfrässe si, und Kạnaan söll Sems Sklave werde.

27 Gott gib Jạphet weite Ruum und lahn en i de Zelte Sems la wohne. Kạnaan sell au Jạphets Sklave werde."

28 Noah het nach dr Sintflut no 350 Jahr glebt.

29 Insgesamt läbt Noah 950 Jahre, denn isch er gstorbe.