Prediger 1 vo 12

Prediger 1 vo 12

PREDIGER

1:1 D Wort vum Versammler, vum Bueb David, vum Kenig in Jerusalem.

 2 "Die grösst Sinnlosigkeit!", seit der Versammler. "Die grösst Sinnlosigkeit! Alles ist sinnlos!"

 3 Was het e Mönsch vo all syre härte Arbet, won är sech unger dr Sunne abmüet?

 4 E Generation goht, e Generation chunnt, aber d Erde bliebt für immer.

 5 D Sunne geit uf, d Sunne geit unger. De eilt si zrugg an Ort, wo si wider ufgoht.

 6 Dr Wind weht nach Süde u chreischt nach Norde. Är dreiht u dreiht sech geng zue im Chreis; dr Wind zieht unufhörlech sini Runde.

 7 Alli Bäch flüsse is Meer un doch isch des Meer nit voll. A däm Ort, üs däm d Bäch kumme, kähre sie zruck, um vu Neuem z flüsse.

 8 Alles isch ermüdend, keiner chas in Wort fasse. Ds Oug wird nid satt vom gseh u ds Ohr nid vou vom Ghöre.

 9 Was isch gsi, das wird sy, u was gmacht worde isch, wird wider gmacht. Es git nüüt Neus unger dr Sunne.

10 Git's irgendöppis wo me cha säge: "Gseh dr das aa – das isch öppis neus!"? Scho sit Langem existiert's, es het scho vor üsere Zyt existiert.

11 Keine erinneret sech a Mönsche us früehere Zite. O wird sech niemer a die erinnere wo später chöme. Und die wärde ou nid vo dene i Erinnerig bhaute wo no spöter chöme.

12 Ich, de Versammler, bi z Jerusalem König über Israel.

13 I bemüeh mi, mit Wiisheit alles z studiere u z erforsche, was ungerem Himmu tah isch – di troschtlosi Beschäftigung, wo Gott de Mönschesöhn gä het u wo si beschäftigt hebt.

14 Ig ha alles gseh, wo unger dr Sunne gleischtet isch worde, u lueg da! Alles isch sinnlos gsi – als het me wölle de Wind afange.

15 Was chrumm isch, cha nid grad gmacht werde, u was fehlt, cha unmöglich zeut wärde.

16 Dann ha i mr dänkt: Lueg nume! I ha mr grossi Wisheit ageignet, me als irgendöpper vor mir in Jerusalem, un mis Herz het sehr vil Wisheit un Erkenntnis gwunne.

17 I bemühe mi vo Härze, dr Wisheit, em Wahnsinn u dr Dummheit uf e Grund z gah – und o das isch, als het me wöue de Wind afange.

18 Denn e Mengi Wiisheit bringt e hufe Frustration mit sech – mit meh Erkenntnis geit auso meh Schmerz nee.