Hiob 41 vor 42
- von Rico Loosli 6934 Bioggio
-
Zugriffe: 356
Hiob 41 vor 42
41:1 Chasch dr Leviạthan mit eim Angelhake fange?
Chasch mit eim Seil sini Zunge nach abe drücke?
2 Chasch e Strick dür sini Naselöcher zieh
oder sin Kiefer mit eme Häcke durebohre?
3 Wird er di mit flehentleche Bitte überhoufe?
Wird er fründlech mit dir rede?
4 Wird er en Vertrag mit dir schlüsse,
damit ne uf Lebensziit zu dim Sklave chasch mache?
5 Wirsch mit ihm wi mit em ne Vogu spile
oder ihn für dini chline Meitli ad Leine lege?
6 Werded Händler um ihn feilsche?
Wird me ne unger Kouflüt ufteile?
7 Wirsch sy Hut mit Harpune spicke
u si Gring mit Fischspeere?
8 Leg Hand a ihn!
Dä Kampf wird dir i Erinnerig blibe und du wirsch es nie wider mache.
9 Jedi Hoffnig ihn z bändige isch vergeh.
Sin blöde Ablick würd di überwältige.
10 Keine wagt, ihn ufzstöre.
Wär also cha mir d Stirn biete?
11 Wär het mr zersch öppis gäh, dassi ihm müesst zrügg zahle?
Aues ungerem Himmu ghört mer.
12i ig wird nid schweige über sini Gliider,
über sy Chraft u sy schöne Körperbou.
13 Wär het sini üsseri Hüu entfernt?
Wär wird i si Rache iidringe?
14 Wär cha d Türä vo sim Muul ufrisse?
Sini Zähn ringsum sy furchterregend.
15 Uf sym Rugge verloufe Reihe vo Schuppe,
fescht zämegfüegt wi mitemne Siegel.
16 Si schliesse so dicht anenand,
dass ke Luft dezwüsche chunnt.
17 Eine chläbt ar andere.
Si hei anenand gha u löh sech nid la trenne.
18 Bi sim Schnaube lüchtet Liecht uf
u syni Ouge sy wi d Strahle vor Morgedämmerig.
19 Us sim Muul zucke Blitz füre.
Füürigi Funke sprüeh.
20 Us sy Nüstere quillt Rauch
wi us eim mit Binse befiirte Ofe.
21 Si Atem facht Chöle a
un ä Flamme schisst üs sinem Mul.
22 I sim Nacke steckt grossi Chraft
un Entsetze nähmä nen vorus.
23 Sini Hutschichte sy fescht zämegfüegt.
Si si straff, wie agosse, und unbeweglech.
24 Sis Härz isch steihart,
ja so hert wie e untere Müllstei.
25 Wener sech erhebt, verschrecke säuber d Mächtige.
Schloht er um sich, löst er damit Entsetze us.
26 Keis Schwert, wo ne trifft, bezwingt ne
no Speer, Wurfspiess oder Pfiilspitz.
27 Ise isch für ihn wi Stroh,
Chupfer wi morsches Holz.
28 Es Pfili verjagt ne nid.
Schluderstei werde für ihn z Stoppele.
29 E Chünig chunt ihm vor wie Stroh
un des Sause vumene Wurfspiess bringt nen zum Lache.
30 Sini Untersiite isch scharf wi Tonscherbe.
Är zieht dür e Schlamm wi ne Dreschlitte.
31 Die Tiefi laht er brotle wi ne Chessel.
Ds Meer bringt er zum Blubbe wi ne Salbetopf.
32 Er hinterloht e glitzerndi Spur uf sim Pfad.
Es isch aus hätt di töif wisses Hoor.
33 Är isch ohneglich uf dr Ärde,
es Gschöpf wo ke Angst kennt.
34 Alles Überhebliche starrt er unverwandt a.
Er isch König über alli majestätische wilde Tier."