Hiob 20 vo 42

Hiob 20 vo 42

20:1 Zọphar, der Naamathịter, erwideret:

 2 "Mini eigene beunruhigende Gedanke dränge mi zum Antworte,

wili innerlich so ufgwühlt bin.

 3 I ha e zrächtwiesig ghört wo mi beleidigt,

u mi Verstand tribt mi zunere Erwiderig.

 4 Bestimmt hesch es scho immer gwüsst –

denn so isch es ja, sit dr mönsch uf d erde gsetzt worde isch –,b

 5 dass der Jubel der Böse vo churzer Duur isch

u d Fröid vom Gottlose nume e Ougeblick hebt.

 6 Wenn o sini Erhabeheit zum Himmel stiigt

u sy Chopf bis a d Wulche längt,

 7 wird er doch für immer vergah wi si eigete Chot.

Die ne früecher hei gseh wärde säge: 'Wo ischer?'

 8 Wi ne traum wird er entflüge u me wird ihn nid finde.

Är wird verjagt wi ne Vision vor Nacht.

 9 Das Oug wo ne einisch gseh het wird ne nümme gseh,

u si Dihei wird ne nie wider erlicke.

10 Sini eigene Chind werded sech um d Gunst vo de Arme bemüehe

un si Vermöge wird da mit de eigene Händ zruck ge.

11 Sini Chnoche sy voll Jugendchraft gsy,

doch sie wird sich mit ihm in blosse Staub lege.

12 Wenn Schlächts i sym Muul süess schmöckt,

wen ers unger syre Zunge vrbirgt,

13 wenn ers gnüsst und nid devo loht,

sondern es im Muul bhaltet,

14 wird sis Ässe i sim Innere suur werde.

Es wird i ihm wi Kobragift.

15 vermöge hetter verschlunge, doch er wirds erbräche,

Gott wird's us sim Buch usehole.

16 Kobragift wird er suge.

D Giftzähn vomne Otter werde ne umbringe.

17 Nie wird er d'Wasserbäch gseh,

d Ström us Honig u Butter.

18 Är wird sini Güeter zrügg gäh, ohni se ds vrbruche.

Sin durch Handel erworbnigs Vermöge wird er nid gnüsse.

19 Denn är het d Arme vertrette u im Stich gloh.

Är het es Huus a sich grisse, woner nid bout het.

20 Doch er wird keini inneri Friede verspüre.

Sis Vermöge wird ihm nid häufe dervo z cho.

21 Es isch nüt übrig blibe, was er verschlinge chönt.

Drum wird sech si Wohlstand nid halte.

22 Uf em Höhepunkt vo sim Riichtum aaglangt, wird ihm angst u bange.

Ds Unglück wird ne mit voller Wucht träffe.

23 Während er sy Buch füllt,

wird Gott si glüehende Zorn über ihn bringe

u uf ihn la regne bis i syni igweid.

24 Wenn er vor emene Waffe flügt,

werde ne pfiili durebohre, abgschosse mit eme chupferboge.

25 Us sim Rügge zieht er es Pfili use,

e blitzendi waffe us sinere galle,

u schrecke packt ne.

26 Völligi Finsternis erwartet sy Schätz.

Es Füür, wo niemer het entfacht, wird ne verzehre.

Jede Überläbende i sim Zelt erwartet Unglück.

27 Der Himmel wird sy Vergehe enthülle.

D Erde wird sech gäg ihn erhebe.

28 E Fluet wird sy Huus furtriisse.

Es wird e Sturzfluet si am Tag vom Zorn Gott.

29 Das isch der Ahteil wo der schlechti Mensch vo Gott bechunnt,

s'Erbe wo Gott für ihn bestimmt het."