Hiob 12 vo 42
- von Rico Loosli 6934 Bioggio
-
Zugriffe: 369
Hiob 12 vo 42
12:1 Druf erwideret Hiob:
2 "Ihr müessts ja wüsse
u mit öich wird d Wiisheit usstärbe!
3 Aber o i ha Verstand
Bi öich nid unterlege.
Was dir seit, wüsset doch jede.
4 I bi für mini Fründe zum Gspött worde,
i wo i zu Gott rüefe um e Antwort zbecho.
E gerechte Mönsch, wo sech nüt laht la zschulde, wird zum Gspött.
5 Der Sorglose empfindet Verachtung für das Unglück
u dänkt, es trifft nume die, wo uf wacklige Füess stöh.
6 In de Zelte vo de Räuber herrscht Friede,
un de wo Gott provoziere, sin in Sicherheit,
die wo ihre Gott ir Händ haute.
7 Aber frog doch bitte einisch d Tier und si werde di lehre,
ou d Vögu vom Himmu und si wärde dr mitteile.
8 Oder befass di mit der Erde u si wird di lehre
u d Fisch vom Meer werde der vrchünde.
9 Wer vo ihne allne weiss nid,
dass Jehovas Hand das alles erschaffe het?
10 I syre Hand isch ds Läbe aues Läbe
u dr Geischt jedem Mönsch
11 Prüeft nid ds Ohr Wort,
so wie d Zunge Speise choschtet?
12 Findtme unger de Ältere nid Wiisheit?
Geit es langs Läbe nid mit Verstand iihne?
13 Bi ihm si Wiisheit u Macht z finge,
vo ihm chunnt Rat u Verstand.
14 Wener öppis niederriisst, chamers ned wider ufbaue.
Was er verschlüsst cha niemer öffne.
15 Wener ds Wasser zrügghautet, tröchnet aues uus.
Wenn ers loslaht überschwemmts d Erde.
16 Bi ihm si Stärchi und praktischi Wiisheit z finge.
Ihm ghört dr Umherirrendi u dr Irrefüerendi.
17 Er laht Ratgeber barfuess go
u macht Richter lächerlech.
18 Är löst die vo Könige agleitä Fässle
u lege ne e Gurt um d Hüfte.
19 Är laat Prieschter barfuess loufe
u schtürzt die, wo derä Macht gfeschtigt isch.
20 Bewährti Ratgeber laht er verstumme
u alte Manne nimmt er d Verständigung.
21 Uf Edle gisst är verachtig us
u Mächtigi schwächt er.
22 Är enthüllt, was tief im Dunkle isch,
tiefi Finsternis füehrt er as Liecht.
23 Är laht Völker gross wärde um se z vernichte.
Är laat Völker sich usbreite zum se verschleppe.
24 Der Führer vom Volk nimmt er der Verstand
u laat se z Wüeschte ooni Wäge umerirre.
25 Im Dunkle, ohni Liecht, taste si um sech.
Wie Betrunkene laht er se umeschirre.