Hesekiel 42 vo 48

Hesekiel 42 vo 48

42:1 De het er mi Richtig Norde gfüehrt zum üssere Vorhof. Är het mi zu däm Spiiseruumblock näb dr offene Flächi bracht, nördlech vom agränzende Gebäude.

2 Am Nordeigang isch dr Speiserumblock 100 Ellen lang gsy u är isch 50 Ellen breit gsy.

3 Är isch zwüsche em innere Vorhof gläge, wo 20 Elle breit isch gsy, u em Schteipflaster vom üssere Vorhof. Syni Galerie sy enang gägenüber gloffe u sy über drei Stockwärch gange.

4 Vor de Spiiserüüme het inne es Gang, 10 Ellene breit u 100 Ele lang verloffe, u d Iigäng hei zo Norde.

5 Di obere Schpiiseröim vom Gebäude sy schmauer gsy aus die im Unger u Mittugschoss, wüu d Galerie ihne Platz hei wäggno.

6 D Galerie sind nämli über drei Stockwerk gange, hend aber kei Süle gha wie d Vorhöf. Drum het ds Obergschoss weniger Bodeflächi gha aus ds Unger u ds Mittelgschoss.

7 Vo de Spiiserüüme am üssere Vorhof us het sech gägenüber de andere Spiiserüüme e 50 Ellene lang üssere Steinmuur erstreckt.

8 Denn d Speiserüüm zum üssere Vorhof hii hei sech über 50 Elle erstreckt, wo zum Heiligtum hingäge über 100 Elle.

9 D Spiiseräum hei im Oschte e Zuegang vom üssere Vorhof här gha.

10 Es het o Speiseröim innerhalb der Steinmuur vom Vorhof Richtig Oschte gä, nach der offene Flächi und em Gebäude.

11 Davor het es Gang verlofe wi bi de Spiiserüüm im Norde. Si si genauso lang gsi u breit u hei di gliiche Usgäng u dr glich Grundriss gha. Ihri Ihgäng

12 si wi d Iigäng vo de Spiiserüüm gsi, wo uf Süde zeiget hei. Es het en Iigang am Aafang vom Gang vor der agränzende Steinmauer Richtig Oschte gä, wo me inecho isch.

13 De het är zu mir gseit: "De Speiseräum vom Norde u d Speiserüüm vom Süde, wo a die offeni Flächi gränze si di heilige Spiiseröim, wo d Prieschter, wo sech Jehova nöcher hei, die höchheilige Opfer ässe. Derthi bringe si di hochheilige Opfer, ds Getreideopfer, ds Sündopfer und ds Schuldopfer, wüu dr Ort heilig isch.

14 Wenn d Prieschter inegönd, dörfeds nacher nid vom heilige Ort zum üssere Vorhof gah, ohni vorher d Gwänder wo si Dienst verrichte uszzieh, denn die Gwänder sind heilig. Ersch we si angeri Gwänder hei agleit, dörfe si d Bereiche beträte wo für ds Volk zuegänglech si."

15 Wo na dermit fertig war, d innere Tempelbereich z mässä, het da mich durch des Tor üsä gfihrt, des nohch Oschte zeigt het, un na muess des ganze Gebiet.

16 Er misst d'Ostsiite mitem Messrohr und es si 500 Rohrlänge vomne Ändi zum andere gsi.

17 Er mass d Nordsiite u es si 500 Rohrlänge gsi.

18 Er mass d Südsiite und es si 500 Rohrlänge gsi.

19 Denn isch är zur Weschtsite ume gange u het mitem Messrohr 500 Rohrlänge gmässe.

20 Er masses a de vier Site. Es het e Muur ringsum gha, wo 500 Rohrlänge länge u 500 Rohrlänge breit isch gsy um ds Heilige vo däm Nichtheilige z trenne.