1.Timotheus 1 vo 6

DER ERSCHTI BRIEF A TIMOTHEUS

1.Timotheus 1 vo 6

1 Paulus, e Aposchtel Chrischtus Jesus uf Aordnig vu Gott, unsam Retter, un Chrischtus Jesus, der unseri Hoffnig isch,

2 an Timọtheus, es ächts Chind im Glaube: I wünsche dir unverdienti Güte u Barmherzigkeit u Friede vo Gott, em Vater u em Christus Jesus, üsem Herr.

3 Woni uf Mazedọnie ufbrach, hani di ermuetigt, i Ẹphesus z bliebe. Das due ig itz wider, dass du gwüssi Lüt awiesisch, ke angeri Lehr z lehre

4 no unwahre Gschichte und Abstammigs¬verzeichnis Ufmerksamkeit zschänke. So öppis füehrt zu nüt nützlichem. Es laht nume Spekulatione ufcho, statt öppis vo Gott biizträge, wo mit Glaube i Verbindig staht.

5 Das Ziel vo däm Uftrag isch Liebi us reinem Herze und guetem Gwüsse und unghücheltem Glaube.

6 Einigi sy dervo abgwiche und hei sech sinnlosem Gerede zuegwandt.

7 Si wei Gsetzeslehrer si, verstöh aber weder das wo si säge no das wo si so nachdrücklech bestöh.

8 Etz wösse mer, dass das Gsetz guet esch, sofern mers rechtig awändet

9 un anerkennt, dass Gsetz nit fir grechti Mensche gmacht sin, sundern fir Gsetzlosi un Rebelle, fir Gottlosi un Sinda, fir Untreue un Unheiligi, fir de, de ihre Vater, ihri Muetter odr anderi umbringe,

10 für Mönsche, wo sexuell unmoralisch handle, für Männer wo Homosexualität praktiziere, für Entführer, Lügner, Falsch Schwörendi u aues wo süsch no dr gsundi Lehr entgägestaht,

11 ä Lehr, wo dr herrliche guete Botschaft vom glückliche Gott entspricht, wo mir avertrout worde isch.

12 I bi dr Christus Jesus, üsem Herr, wo mir Kraft gäh het, dankbar, will er mi als treu agseh het und mir e Dienstufgab zuegwise het,

13 obwou i früecher e Läschterer und e Verfouger und e unverschämte Mönsch isch gsi. Doch mir isch Barmherzigkeit erwiese worde, wöu i in Unwüsseheit u im Ungloube handelt.

14 Di unverdiente Güte üsem Herrn isch usserordentlich iberschtrömend gsi zäme mit Glaube un mit dr Lebi, de in Chrischtus Jesus isch.

15 Folgendi Ussag isch vertrauenswürdig und verdients, voll und ganz agnoh wärde: Dr Christus Jesus isch id Welt cho zum Sünder z rette. Unger dene stahni a ersti Stell.

16 Trotzdem isch mir Barmherzigkeit erwiese worde, damit dr Christus Jesus bsunders dur mich sini ganzi Geduld chönt zeige. So het er mi zumene Bispil für die gmacht, wo ihre Glaube uf ihn stütze wärde zum ewig läbe.

17 Der Kenig dr Ewigkeit etze, der unvergänglich, unsichtbari, ällei Gott, soll fir immer un ewig geehrt un vuherrlicht wäre. Amen.

18 Dieser Uftrag vertraui dir a, mis Chind Timọtheus, i Übereinstimmig mit de Prophezeiige wo über di gmacht worde si, damit dür die dr guete Kampf fortsetzt

19 und derby de Glaube und es guets Gwüsse bewahrsch. Das hei einigi verdrängt u dadurch i ihrem Glaube Schiffbruch erlitte.

20 Zu ihne ghört Hymenạ̈us und Alexander. I ha se dr Satan übergäh, damit si dür Erziehig glehrt wärde, nid ds lästere.