1.Moses 6 vo 50

1.Moses 6 vo 50

6:1 Wo iz d Mönsche uf dr Ärde me si worde u Töchter hei becho,

2 hei d Söhn vom wahre Gott gmerkt, dass d Töchter vo de Mönsche schön gsy sy. Si hei sech de aui zur Frou gno, wo si hei wöue.

3 Da het Jehova gseit: "Mi Geist wird de Mensch nid ändlos ertrage, denn er isch nume Fleisch. Drum sölled sich sini Täg uf 120 Jahr belaufe".

4 Zu dere Zyt u när hei d Nẹphilim uf dr Erde glebt. D Söhn vom wahre Gott hei damals Beziehige mit de Töchtere vo de Mensche gha und hei Söhn vo ihne becho. Si si d Starche gsy, di berüehmte Manne vor aute Zyt.

5 Da het Jehova gseh, dass d Mönsche uf dr Ärde sehr schlächt si gsi und di Gedanke i ihrem Härz immer nume zum Böse hei gno.

6 Jehova het beduuret, dass er Mönsche uf dr Ärde gmacht het, u es het ihm im Härz weh ta.

7 Auso het Jehova gseit: "I wird d Mönsche, woni erschaffe ha, vor Erdoberflächi wägwüsche – d Mönsche zäme mit de Huustier, de chriechende Tier uf der Ärde u de Tier, wo am Himmu flüge. Denn i beduure, dass i se gmacht ha."

8 Noah aber het Gunst bi Jehova gfunde.

9 Das isch d'Gschicht Noahs. Noah isch e rechte Maa gsi. Anderscht als d'Mensche vo sinere Zyt het er es iwandfreies Läbe gführt. Noah isch si Wäg mit em wahre Gott gange.

10 Noah isch Vater vo drü Söhn worde: Sem, Ham und Jạphet.

11 D Erde jedoch isch us dr Sicht vum wahre Gott verdorbe und voll Gwalt gsi.

12 Jo, Gott het uf d Ärde gseh u sie isch verdorbe gsi. Alli Mönsche uf dr Ärde hei e schlächte Wäg iigschlage.

13 Da het Gott zu Noah gseit: "Ich ha beschlosse, de Mönsch es End z mache, well d Erde ihretwäge voll Gwalt isch. I wirde über si u d Erde Vernichtig bringe.

14 Bau der e Arche us harzhaltigem Holz. Unterteile se in Rüüm und überzieh se inne und üsse mit Teer.

15 D Arche söll 300 Ellena lang sy, 50 Ellen breit und 30 Ellen ufe.

16 Bau e Elle ungerhalb vom Dach vo de Arche e Liechtöffnig ii. Dr Iigang vor Arche söll ar Siite si, und si söll es unders, es mittlers und es obers Deck ha.

17 Ig wird nämmlech d Ärde mit Wasser überfluetä und aues ungerem Himmu vernichte, was Läbesatem het. Alles uf dr Ärde wird umcho.

18 Aber mit dir schlüss ich en Bund. Gang mit dine Söhn, dine Frou u d Froue vo dinere Söhn id Arche.

19 Bring vo aune Tierarte es Paar i d Arche, es Manne u es Wyble, dermit si zäme mit Dir überläbe.

20 Vo de verschidene Arte vo flüügende Tier, der Huustier u der chriechende Tier uf der Ärde wärde je zwöi zu Dir inegah, dermit si am Läbe bliibe.

21 Nimm o e Vorrat a Nahrigsmittel vo aune Art für di u Fuetter für d Tier mit id Arche."

22 Noah het alles so gmacht, wie Gotts ihm gseit het. Genau so het ers gmacht.