Prediger 6 vo 12

Prediger 6 vo 12

6:1 No öppis tragischs hani unger dr Sunne gseh u es chunnt unger de Mönsche hüfig vor:

2 De wahri Gott git emene Mönsch Richtum und materielle Bsitz und Ruhm, sodass's ihm a nüüt fählt, was er sich wünscht. Doch dr wahre Gott ermöglicht däm nit, des alles z gnüsse, wo hingäge ä Fremde s ka gnüsse. Des isch Sinnlosigkeit un schweres Leid.

3 Sött e Maa o 100 mau Vater wärde u viu Jahr läbe u es höchs Alter erreiche, aber er gnüsset sini guete Sache nid bevor er i Grab chunnt, de, so muesi säge, isch e Totgeburt besser dranne aus er.

4 Denn umsuscht isch si cho u im Dunkle isch si gange u ihre Name isch in Dunkelheit ghüllt.

5 Obwou si nie d Sunne het gseh u nüt het gwüsst, isch si immer no besser dranne aus är.

6 Was bringts scho, 1000 Jahr zwöi mau z düreläbe, aber ke freud z ha? Chöme nid aui ah de gliche Ort?

7 All di harti Arbet vomene Mönsch isch derfür da, sy Muu z fülle, doch sy Hunger wird nie gstillt.

8 Was het der Wiis dem Unvernünftige also vorus? Was bringts am Arme, z wüsse, wie me überläbt?

9 Besser isch's, z'gniesse, was d' Ouge gseh, als sy Wünsch hingerhärzlaufe. O das isch Sinnlosigkeit – so, als het me der Wind welle afange.

10 Was immer isch cho, het scho ne Name. U es isch bekannt wie dr Mensch isch. Är cha sech nid mit däm alege, wo mächtiger isch aus är.

11 Je meh Wort, desto meh Sinnlosigkeit. Was fürne Vorteil bringe si dem Mönsch?

12 Wär weis scho, was en Mönsch am beschte afoht mit de wenige Täg vo sim sinnlose Läbe woner wiene Schatte verbringt? Wüu wär cha däm Mönsch mitteile, was nach ihm unger dr Sunne gscheh wird?