Prediger 10 vo 12
- von Rico Loosli 6934 Bioggio
-
Zugriffe: 457
Prediger 10 vo 12
10:1 So wi toti Flüge ds Öl vom Salbemischer zum Stinke u Gäre bringe, so wiit chli Unvernunft schwerer aus Wiisheit u Ruhm.
2 De Wiise füehrt sis Härz uf de richtig Wäg, de Unvernünftige aber füehrts ufe fautsche Wäg.
3 Welche Wäg dr Tummchopf o immer geit, es fäut ihm a Vernunft, u er laht jede wüsse, dass er dumm isch.
4 Sött dr Zorn vomene Herrscher gäge di ufflamme, denn verlah di Platz nid, denn d Rueh z bewahre bügt grosse Sünde vor.
5 Da isch öppis Deprimierends, woni under der Sunne ha gseh – di Art Fähler, wi si di Mächtige begöh:
6 Unvernunft wird uf vili höchi Poste gsetzt, doch di Riiche bliibe i niedriger Stellig.
7 I ha Diener z Ross gseh u Fürschte wo we Diener z Fuess sy go.
8 Wär e Gruebe gräbt, cha inegheie, u wär e Steinmuur dürebricht, cha vore Schlange bisse wärde.
9 Wär Stei bricht, cha sech dra verletze, u wär Holz hackt, cha sech i Gfahr bringe.
10 Isch es Isewärchzüg stumpf und me schärft d Schnide nid, muess me viu Chraft ufwände. Doch Wisheit verhilft zum Erfolg.
11 Wenn d Schlange biisst bevors beschwore wird, bruucht me o ke gschickte Schlange¬beschwörer.
12 D Wort usem Muul vom Wise bringed Anerkennig, aber dä Unvernünftig richtet sech dür sini Lippe zgrund.
13 Di erschte Wort us sym Muul sy Unsinn und sy letschte Wort sy folgeschwerer Wahnsinn.
14 Doch der Unvernünftige redet immer witer. Ä Mönsch weiss nid was gscheh wird. Wär cha ihm säge, was nach ihm chunnt?
15 Der Unvernünftig laht sech vo syre härte Arbeit uslache, denn är wüsst nidmau, wie me der Wäg zur Stadt findet.
16 Wiä schlimm fürnes Land, we dr Chönig no ä Bueb isch u d'Fürscht scho morn mit ihrne Feschtmähler afah!
17 Wie froh cha ds Land sy, we dr König dr Sohn vo Edle isch u d Fürschte zur richtige Zyt tafle zum starch wärde, u nid zum sech z betrinke!
18 Extremi Fuulheit füehrt dezue, dass sich d Dachbalkä senked, und träge Händ lönd s Huus undicht werde.
19 Brot sorgt für Lache u Wy macht z Läbe agnähm, aber Gäud stillt jedes Bedürfnis.
20 Nid emau i Gedanke verflueche dr König, u de Riiche vrflueche nid i dim Schlofzimmer, denn vilech wird e Vogu dr Luut witertrage, es gflüeglets Gschöpf d Wort widrhole.