Jeremia 17 von 52
- von Rico Loosli 6934 Bioggio
-
Zugriffe: 356
Jeremia 17 von 52
17:1 "D Sünde Judas isch mit emene eigene Griffel ufgschribe. Mit ere Diamantspitze isch si iigraviert i d Tafle vo ihrem Härz u i d Hörner vo ihrere Altäre,
2 während ihri Söhn a ihri Altäre u ihre heilige Pfähli dänke näb em ne üppige Baum, ufe höche Hügel,
3 uf de Bärge i freie Natur. Euri Riichtümer, all Euri Schätz, werdi zur Plünderig freigäh – ja eui Höhe wäge der Sünd überall i eune Gebiet.
4 Ihr werdet durch eignigs Verschulde s Erbe verlüre wo i eu geh han. Und i wirde Nech zu Diener eurer Gegna mache im ne Land, woner nid kennet, denn dir heit min Zorn wienes Füür azündet wo für alli Zyte wird brenne."
5 Das seit Jehova: "Verflucht isch dä Maa, wo sy Vertraue uf Mönsche setzt, wo sech uf mönschlechi Chraft verlaht und däm si Herz sech vo Jehova abwändet.
6 Er wird wiene einsame Baum ir Wüeschti wärde. Wenn guets chunnt, wirders nid gseh, sondern a dürre Orte im Wildnis wohne, imene Salzland wo niemer cha läbe.
7 Gsägnet isch der Manna, wo sy Vertraue uf Jehova setzt, wo sy Zueversicht Jehova isch.
8 Är wird wi ne am Wasser pflanzte Baum wärde wo sini Wurzle zum Bach häre usstreckt. Wenn d Hitz chunnt, wird er's nid merke, sondern si Loub wird immer grüen und früsch si. U im Jahr der Dürre wird er unbsorgt sy u nid ufhöre Frucht z träge.
9 Das Herz isch betrügerischer aus süsch irgendöppis u zu auem fähig. Wär cha's kenne?
10 Ig, Jehova, erforsche ds Härz, prüefe di innerschte Gedanke um jedem das z'gäh, woner für sis Verhalte verdient, entsprächend em Ergebnis vo sine Tate.
11 Wi ne Rebhuhn, wo isammlet, was's nid gleit het, isch dä wo uf unehrlichi Wis Riichtum erwirbt. I sinere Läbensmittel wird ihn dä Richtum verloh und am Ändi wird er dastah wie öpper ohni Verstand."
12 E herrliche Thron, erhabe vo Aafang aa, isch dr Ort vo üsem Heiligtum.
13 O Jehova, du Hoffnung Israels, alli wo dich verlönd werded beschämt dasstah. Die dir abtrünig werded, ihre Name wird in Staub gschriebe, well sie Jehova, d Quelle lebendige Wasser verloh hend.
14 Heil mich, Jehova, un i wirde gheilt wäre. Rett mi, un i wirde grettet wäre, denn um di dreht sich mi Lobpriis.
15 Es git einigi wo zu mir säge: "Wo sind d Wort Jehovas? Si sölle doch bitte iträffe!"
16 I aber bi nid wäggloffe wos drum gange isch dir aus Hirte z fouge, no hani mi nachem Tag vom Unglück gsee. Jedes wort wo vo mire Lippe isch cho, kennsch nume z guet. Alles isch vor dine Ouge gscheh!
17 Sig für mi ke Ursach vom Schreckä. Du bisch mini Zueflucht am Tag vom Unglück.
18 Lah mini Verfouger lah beschämt dastah, aber lah mi nid beschämt lah. Si söue i Schrecke versetzt wärde, aber la mi nid i Schrecke versetzt wärde. Bring dr Tag vom Unglück über sie, zerschmettere und vernichtet se vollständig.
19 Des het Johva zue ma gsait: "Gang un schtell di in d Tor vor Söhn vum Volk, durch d Kenig vu Juda i un üszieh, un in alli Tore Jerusalem.
20 Dü sollsch zue nene sage: "Hert d Wort Johvas, ihr Juda Kenig, alli Lüt vu Juda un alli Bewohner vu Jerusalem, de ihr durch de Tore kummt.
21 Das seit Jehova: "Hütet euch vorher am Sabbat irgendwelchi Laste z träge oder se dur d Tore vo Jerusalem inezbringe.
22 Dir därfed am Sabbat ke Last us eune Hüser usesträge u überhoupt nüüt schaffe. Haltet dr Sabbat heilig, so wi ig euri Vorfahre awise.
23 Aber si hei nid ghört u si mir ire Ohr nid zue gwunge, u si hei sich hertnäckig z ghöre oder sech zrächtwiise z loh.
24 "We dir mir jedoch ufs Wort ghorcht", erklärt der Jehova, "u am Sabbat keni Laschte dür d Tore vo dere Stadt innebringt und der Sabbat dür das heilighalte wird, dass der a däm Tag überhoupt nüüt schaffet,
25i när wärde dür d Tore vo dere Stadt Chönige und Fürschte iizieh, wo ufem Thron David hocke. In Wage un uf Ross wäre sie iizieh, sie un ihri Firschte, d Männa vu Juda un d Bewohner vu Jerusalem, un de Schtadt wird fir alli Ziite bwohnt si.
26 Us de Schtädt Judas, us dr Umgäbig Jerusalems, us em Land Bẹnjamin, us em Tiefland, us em Bergland und us em Nẹgeba wird me cho und Ganzbrandopfer und anderi Tieropfer, Getreideopfer, Wihrauch und Dankopfer is Huus Jehovas bringe.
27 Wenn ihr mir aber nid ghöret und dr Sabbat nid heilighautet und Laschte trage und sie am Sabbat dür d Tore Jerusalems inebringt, de wird i die Tore i Brand stecke, u ds Füür wird mit Sicherheit d Verteidigungstürm Jerusalems uffrässe u nid glöscht werde.