Hiob 39 vo 42

Hiob 39 vo 42

39:1 Weisch wenn d Steiböck gebäre?

Hesch du beobachtet, wie d Rehe ihri Junge zur Wäut bringe?

 2 Zellsch d Mönet wo bis derhär abloufe?

Kennsch der Zytpunkt, wenn si gebäre?

 3 Si choure nieder we si ihri Junge wärfe,

u de endet ihri Wehe. ändlech

 4 Ihri Junge wärde chräftig u wachse im Freie uf.

Si göh wäg und cheere nid zu ihne zrügg.

 5 Wär het dr Wildesel freigla?

Wär het d'Strick vom Wild glöst?

 6 Ig ha ihm d Wüeschtebeni aus dehei gä,

s Salzland isch sy Wohnort.

 7 Är spottet über ds Getümmel ir Stadt.

Ds Gschrei vom Triber ghört er nid.

 8 Er dürestrift d Hügel uf der Suechi nach Weidland

u gspürt aues noche, was grüen isch.

 9 Wird der Wildstier dir diene?

Wird er i dim Stall übernachte?

10 Chasch e Wildstier miteme Seil ir Furche hebe?

Wird er dir folge zum das Tal pflüge?

11 Wirsch uf sini grossi Chraft vertraue

u ne schwäri Arbeit für di lah mache?

12 Wirsch du dich druf verloh dass er dini Ernte ibringt?

Wird er se zu dim Dreschplatz bringe?

13 D Strossehenne schlaht fröhlich mit de Flügel,

aber cha me ihri Schwinge und ihres Gfieder mit dene vomene Storch vergliiche?

14 Si laht ihri Eier ufem Bode lige

u hebe se im Stou warm.

15 Si vergisst, dass e Fuess sy verträtte

oder es wilds tier si chönt zertrample.

16 Si behandlet iri Söhn hert aus wärs nid ihri eigeti.

Si het ke Angst, dass ihri Müeh chönnt verblich si.

17 Denn Gott het ihr Wisheit vorenthalte,

si het ke Verstand mitbecho.

18 Doch we si sech ufrichtet u mit de Flüge schlaht,

lachet si ds Ross u seine Riter us.

19 Bisches wo em Ross sini Chraft verleiht?

Schmucksch sy Hals mit ere wehende Mäh?

20 Chasches wi ne Heuschrecke la springe?

Sis mächtige Schnaube macht Angst.

21 Im Tal scharrt s mit de Huufe u isch usser sech vor Fröid,

es zieht i Schlacht.

22 Es lacht über d Angst und fürchtet sech vor nüt.

Vor em Schwert weich's nid zrugg.

23 Der Köcher klappert a syre Site,

der Speer un der Wurfspiess blitze.

24 Zitternd vor Erregig stürmt's los,

bim Schall vom Horn chas nid stimme.

25 Sobald ds Horn ertönt, seit's: 'Ha!'

Scho vo witem witerm witterets d Schlacht

u ghört d Rüef vo de Afüererer u ds Chriegsgschrei.

26 Isches dim Verstand z verdanke, dass der Falke dur d Lüfte gleitet

u drby sy Flügel zum Süde häre usbreitet?

27 U dr Adler, schwingt er sech uf dy Befähl empor

u bouet hoch obe sy Näscht,

28 verbringt d Nacht ufere Klippe

u bewohnt sini Feschtig ufere Felszacke?

29 Vo dert suecht är nach Nahrig,

sini Ouge blicke wyt i d'Färn.

30 Sini Junge schlürfe Bluet.

U wo gäng die Erschlagene lige, da isch er."