Hiob 30 vo 42
- von Rico Loosli 6934 Bioggio
-
Zugriffe: 412
Hiob 30 vo 42
30:1 Jitz lache sy über mi
Manne wo jünger si aus ig,
dere ihre Vätere ig nid mau zu de Wachhunde vo mire Herde hätt lah.
2 Vo welem Nutze isch mer d Chraft vo ihrere Händ gsi?
Ihri Energie isch gschwunde.
3 Mangel u Hunger het se usglaugt.
Si näme am dürre Land,
das scho verwüschtet u isch verödet gsy.
4 Si sammle ds Salzchrut vo de Strücher.
Ihri Nahrig sy Ginsterwurzle.
5 Us dr Gmeinschaft wärde si vertribe.
Me schreiet ne nach wie ne Dieb.
6 An de Abhäng vo Schluchte wohned si,
in Erdlöcher u Felsehöhle.
7 Inmitten der Strücher schreie si
u unger de Nessle dränge si sech zäme.
8 Als Söhn vo Unverständige u Namelose
het me se usem Land verjagt.
9 Aber iz mache si sech sogar i ihrne Lieder über mi luschtig.
I bi für se zum Gspött worde.
10 Si verabschiede mi u hebe Abstand zu mir.
Si zögere nid mir is Gsicht z spucke.
11 Da Gott mi entwaffnet und gdemüetet het,
löh si i minere Gegewart jedi zrugghaltig la gheie.
12 Rächts vo mir erhebe si sech wi ne Mob.
Si trybe mi i d Flucht
un errichte tödlichi Barriere uf minem Pfad.
13 Si reiesse mini Wäg uf
u mache mis Elend no schlimmer,
u da isch niemer, wo se ufhaltet.
14 Si chöme wi dür ne breiti Bresche ir Muur.
Zmitzt i de Verwüschtig wälzeds ane.
15 Schrecke überwältiget mi.
Mini Würd isch wi vom Wind verwäht
u mini Rettig löst sech uf wi ne Wolke.
16 Jitz flüsst mis Läbe da ane.
Täg vom Chummer erfasse mi.
17 Nacht dürebohre Schmerze mini Chnoche,
der nägend Schmerz hört niemols uf.
18 Mit aller Gwalt isch mis Gwand verunstaltet worde.
Es schnürt mer d Luft ab wie de Chrage vo mire Chleidig.
19 Gott het mi i Schlamm gworfe.
I bi nume no Stoub u Asche.
20 I schreie zu dir um Hilf, aber du antwortisch mir nid.
I stah uf, aber luegsch mi eifach nume ah.
21 Grausig hesch di gäge mi gwandt.
Mit dr ganze Macht vo dire Hand geisch uf mi los.
22 Du hebsch mi uf u treisch mi mitem Wind dervo.
De schleuderisch mi im Sturm hin u her.
23 Denn i weiss ds mi i Tod schicksch,
i das Huus wo sech aui Läbige versammle wärdet.
24 Aber es würd doch niemer e brochne Maa schlah,
wener i sire Not um Hilf schreit.
25 Hani nid um die gränne, wo härti Zite dureläbe?
Hani nid um de Arme trout?
26 Obwohl i uf Guets ghofft ha isch Schlächts cho.
Ha Liecht erwartet, aber Finsternis isch cho.
27 Dr Ufruhr i mim Innere het kes End gno.
Täg vom Chummer hei mi begägnet.
28 In düschterer Stimmig gang i umenand – es git kes Sunneliecht.
Ir versammlete Mängi stahni uf u schreie um Hilf.
29 E Brüetsch bi ig dr Schakalä worde
un ä Fründ d Töchter vum Schtross.
30 Mini Hut isch schwarz worde und abgheit.
Mini Chnoche glüeh vor Hitz.
31 Mini Harfe isch nume no für Truur da
u mini Flöte füre Klang vom Brüele.