Hiob 16 vo 42
- von Rico Loosli 6934 Bioggio
-
Zugriffe: 358
Hiob 16 vo 42
16:1 Hiob erwideret:
2 "Wie oft hani so öppis scho ghört!
Dir alli sit elendi Tröschter!
3 Nähme lääri Wort denn nie es End?
Was provoziert di so z antworte?
4 Ig chönnt ou so rede wi dir.
We dir a mire Stell wäret,
chönnt ig überzügendi Rede gäge euch schwinge
u dr Gring über euch schüttle.
5 Doch stattdesse würdi Nech mit de Wort vo mim Muul stärche
u dr Troscht vo mire Lippe würd Erliechterig bringe.
6 Red i, so wird mis Schmerz nid liechter,
u höri uf rede, wird mis Schmerz o nid weniger.
7 Doch jitz het Gott mi zur Erschöpfig brocht.
Er het mini ganzi Huusgmeinschaft zgrunde grichtet.
8 No dezue packt er mi u das dient als Bewiis.
Mini eigeti Magerheit steit aus Züg uuf u klatscht mi i ds Gsicht aa.
9 Sy Zorn het mi zerrisse, är fingt mi a
u chnirscht mit de Zähn.
Mi Gägner dürebohrt mi mit sym Blick.
10 Si hei ihres Muul wiit ufgrisse
u mir verächtlech uf d Wange gschlage.
I grosser Zahl tüe si sech gäg mi zämme.
11 Gott übergit mi junge Bursche
un schtösst mi in d Händ vu d Böse.
12i bi sorgefrei gsi aber er het mi zerschlage.
Er het mi am Nacke packt u het mi zerschmetteret.
De het er mi zu sire Zielschiibe gmacht.
13 Sini Böögeschütz umringet mi.
Är dürebohrt mini Niere u empfindet kes Mitgfühl.
Är schüttet mini Galle ufe Bode.
14 E Bresche nach dr angere schlaht er i mi.
Wi ne Chrieger stürmt er gäg mi a.
15 Ich ha Sacktuech zämegfasst, zum mini Hut z bedecke,
u mini Würd hani im Stoub begrabe.
16 Mis Gsicht isch grötet vom Gränne
u uf mi Ougenlider het sech tiefer Schatte gleit,
17 obwohl mini Händ ke Gwalt verüebt hei
u mis Gebet dri isch.
18 O Ärde, bedecke nid mis Bluet!
Für mis Gschrei sölls ke Ruehort gä!
19 Säubscht itz hani es Züge im Himmu.
Idä höchi isch dä wo für mi cha ussäge.
20 Mini Fründe mache sech über mi luschtig,
während my Oug vor Gott Träne vergisst
21 Öpper söu zwüsche emene Maa u Gott aus Vermittler ufträtte
wi zwüsche emene Maa u sim Mitmensche.
22 Denn es sy nume no wenig Johr,
u i wird ufm Pfad wäg gah wos ke Rückkehr git.