Der dritti Brief Johannes

3. Johannes

1 Der älter Maa an der gliebte Gạjus, won i würklech liebe.

2 Liebe Fründ, ich bätte drum dass es dir witerhin i jedere Hisicht guet geit u du gsund bliebsch, so wies dir iz scho guet geit.

3 Denn i ha mi sehr gfreut wo Brüedere si cho u bezügt, dass du ar Wahrheit fescht hebsch, ja du blibsch ufem Wäg vor Wohrheit.

4 Nüt bereitet mir grösseri Fröid als z'ghöre, dass mini Chind uf em Wäg vor Wohrheit bliibed.

5 Liebe Fründ, du bewisisch dini Treui dur das wo du für d Brüeder tuesch obwohl si nid kennsch.

 6 Si hei vor der Versammlig vo dire Liebi brichtet. We si wider abreise, de sig ne bitte ufe Art u Wiis behilflech wo Gott gfaut.

7 Denn wäge sim Name hei si sech ufe Wäg gmacht u si hei vo de Lüt us angerne Vöuker nüt agnoh.

8 Drum simer verpflichtet, Mönsche wi ihne gastfründschaft z erwiise, damit mir zu mitarbeiter ir wahrheit wärde.

9 I ha eppis ad Versammlig gschribe, aber Diotrẹphes wo unger ihne gärn a erster Stell wott stoh, nimmt vo üs nüt mit Respekt ah.

10 Drum werdi weni chume druf uufmerksam mache was er tuet: dass er boshafts Gerede über üs verbreitet. Und demit nid zfride, heisst er au d Brüedere nid respektvoll willkomme. Un de, de sie willkomme heisse, vusuecht er dranne z hindere un üs dr Vusammlig usezwerfe.

11 Lieber Fründ, nimm der keis Bispiel am Schlächte sondern am guete. Wer guets tuet stammt vo Gott. Wer Schlächts tuet, het Gott nid gseh.

12 Demẹtrius isch es guets Zügnis usgstellt worde – vo ihne aune u o vor Wahrheit säuber. Ja, o mir steue ihm das Zügnis us, u wi du weisch, isch es wahr.

13 Ig hätt dr no viu z schribe, aber i möcht dir nid witer mit Tinte u Fäder schribe.

14 Ig hoffe jedoch, di glii z gseh u mir wärde vo Agsicht zu Agsicht redä.

Wünsche dir Friede!

D Fründe lönd dich grüesse. Grüess d Fründe persönlich vo mir.