D Psalme 119 bis 150

 

 

D Psalme 119 bis 150 Der längscht Biblevers

(Aleph)

119:1 Glücklech sy die wo sech uf ihrem Wäg nüt la zueschulde,

die ihre Läbenswäg nachem Gsetz Jehovas usrichte.

 2 Glücklech sy die, wo sini Erinnerige beachte,

wo mit ganzem Härze nach ihm sueche.

 3 Si verüebe ke Ungerechtigkeit,

uf si Wäge göh si.

 4 Du hesch agordnet,

dass me dini Befehl gwüssehaft befolgt.

 5 Chönnti doch nume standhaft blibe,

damit ig dini Vorschrifte ihalte!

 6 De müesst ig mi nid schäme,

weni mi mit allne dine Gebot befasse.

 7 I wird di mit emene ufrichtige Herze priise,

weni dini grächte Urteile kenne lerne.

 8 Dini Vorschrifte wird ich ihalte.

O lah mi niemols völlig im Stich.

ב (Bet)

 9 Wie cha en junge Mönsch si Wäg dri bechoo?

Idem er sech a dini Wort haltet u uf sech ufpasst.

10 Mit mim ganze Herze suech ig di.

Lah mi nid vo dine Gebot abwiche.

11 Was du gseit hesch bewahre i mim Härz uf,

damit ig nid gägä di sündige.

12 du söttsch priese, Jehova.

Lehr mi dini Vorschrifte.

13 Mit myne Lippe verkünd i

aui Urteile wo du gredt hesch.

14 Über die Erinnerige, wo vo Dir chöme, freui mi

meh aus über aues angere Wärtvolle.

15 Über dini Anordnige wirdi nodenke

u dini Wäg fescht im Blick bhaute.

16 Dini Bestimmige sy mir as Härz gwachse.

I wirde dini Wort nid vergesse.

ג (Gimel)

17 Sig guet zu dim Diener,

damit i läbe u mi a dini Wort halte.

18 Öffne mini Ouge

für all ds Wunderbari i dim Gsetz,

damit igs klar erkenne.

19 I bi nume e Frömde im Land.

Verbirg dini Gebot nid vor mir.

20 D Sehnsucht nach dine Urteilsprüch

verzehrt mi immerzu.

21 Du richtisch scharfi Wort ad Amassende,

a die Verfluechte wo vo dine Gebot abwiiche.

22 Befrei mi vo Hohn u Verachtig,

denn i ha dini Erinnerige beachtet.

23 Säubscht we Fürschte zämesitze u gäg mi rede:

Ig, dine Diener, dänk über dini Vorschrifte nache.

24 Die vo dir kommende Erinnerige si mir as Härz gwachse,

si mini Ratgeber.

ד (Dalet)

25 Ig ligge usgstreckt im Stoub.

Erhalt mi am Läbe wi dus versproche hesch.

26 Vo mim Wäg hani dr verzellt u du hesch mr gantwortet.

Lehr mi dini Vorschrifte.

27 Lah mi d Bedütig vo dinere Aordnige verstah,

damit ich über dini wunderbare Tate nochedänke chan.

28 Ig bi schlaflos gsi vor Chummer.

Stärch mi wies versproche hesch.

29 Heb dr Wäg vom Betrug färn vo mir

un in dinere Güte lehr mi di Gsetz.

30 Dr Wäg dr Treue hani gwählt.

I erkenne a dass dini Urteile richtig sind.

31 A de Erinnerige wo vo Dir chöme halbi fescht.

O Jehova, lönd mi ned enttüscht werde.

32 Dr Wäg vo dire Gebot wird i zielstrebig verfolge,

denn machsch mis herz wit für das.

ה (He)

33 Lehr mi, o Jehova, de Wäg vo dine Vorschrifte

u i wirde bis zum schluss druf blibe.

34 Gib mir Verstand,

damit ich dis Gsetz beachte

u mi mit ganzem Härze dra haute.

35 Füehr mi uf em Wäg vo dire Gebot,

denn dra findi Gfalle.

36 Wändi mis Herz dine Erinnerige zue,

nid selbstsüchtigem Gwünn.

37 Wändi mi Blick vo Wertlosem wäg.

Uf dim Wäg erhalt mi am Läbe.

38 Erfüll ds Verspräche wo du dim Diener geh hesch,

damit me Ehrfurcht vor dir het.

39 Nimm d Schand wäg, vor ders mir grautet,

denn dini Urteile sind guet.

40 Gsehni doch, wieni mi nach dine Aordnige seh!

I dire Gerechtigkeit erhalte mi am Läbe.

ו (Waw)

41 Weni doch nume dini loyali Liebi dürft erfahre, o Jehova,

d Rettig, wi se versproche hesch.

42 Denn wirdi däm antworte wo mi verspottet,

denn uf dini Wort vertraue i.

43 Entferne d Wort vor Wahrheit nid völlig vo mine Lippe,

denn uf dis Urteil hani ghofft.

44 A dis Gsetz wirdi mi unentwägt halte,

für immer u ewig.

45 Und i wirde mi amene sichere Ort bewege,

da ich nach dine Aordnige forsche.

46 Vor Könige wirdi über d Erinnerige rede, wo vo dir chöme,

u i wirde mi nid schäme.

47 Dini Gebot sy mer as Härz gwachse,

ja ig lieb sie.

48 Zu dine Gebot, wo i liebe, erheb i mini Händ bätte,

u über dini Vorschrifte wirdi nachdänke.

ז (Zajin)

49 Erinner di a ds Verspräche wo du dim Diener gä hesch,

dür das du mir Hoffnig schenksch.

50 Das isch my Trost i mim Chummer,

denn dini Zuesag het mi am Läbe erhalte.

51 D Amassendä verachtet mi ztüfscht,

aber i weiche nid vo dim Gsetz ab.

52 I erinnere mi a dini Urteile us alter Zit, jehova,

u si gänd mir troscht.

53 Glühende Zorn packt mi wäg de Böse,

die dis Gsetz verlöh.

54 Dini Vorschrifte si Lieder für mi,

wo immer ig wohne.

55 bi Nacht dänki a di Name o Jehova,

damit i mi a dis Gsetz halte.

56 Das isch mir zur Gwohnheit worde,

wili dini Anordnige befolgt han.

ח (Chet)

57 Jehova isch mi Aateil.

I ha versproche mi a dini Wort z halte.

58 Mit mim ganze Herz fleheni zu dir.

Schänk mer dini Gunst, wies versproche hesch.

59 I ha mini Wäge überprüeft,

um mini Schritt zu de Erinnerige zrüggzlänke, wo vo dir chöme.

60 Ig biile mi u zögere nid,

dini Gebot z halte.

61 D Strick vo de Böse umgäbe mi,

aber dis Gsetz vergessi nid.

62 Zum Mitternacht stahni uf, zum der danke

für dini grächte Urteile.

63 E Fründ bini vo aune wo Ehrfurcht vor dir hei,

u vo dene, wo sech a dini Aordnige halte.

64 Dini loyali Liebi, o Jehova, erfüllt d Erde.

Lehr mi dini Vorschrifte.

ט (Tet)

65 Hesch dine Diener guet behandlet,

o Jehova wies versproche hesch.

66 Lehr mi gueti Urteilsfähigkeit und Erkenntnis,

denn uf dini Gebot han i mis Vertraue gsetzt.

67 Bevor i Kummer erlitte, griet i uf Abwäg,

jetzt aber halt ich mich a das wo du seisch.

68 Du bisch guet u tuesch Guets.

Lehr mi dini Vorschrifte.

69 Di Anmassende bsude mi mit Lüge,

doch i halt mi vo ganzem Härze a dini Anordnige.

70 Ihres Herz isch empfindungslos,

doch mir isch dis Gsetz as Herz gwachse.

71 Es isch guet dasi Chummer erlitte han,

denn dadurch lernti dini Vorschrifte kenne.

72 Ds Gsetz wo du verkündet hesch isch guet für mi,

besser aus tuusigi Gold- u Silberstück.

י (Jod)

73 Dini Händ hei mi gschaffe u gformt.

Gib mer Verstand damit ich dini Gebot kenne lerne.

74 D Ehrfurcht vor dir hei, gseh mi u fröie sech,

denn uf dini Wort setzi mini Hoffnig.

75 Ig weiss o Jehova dass dini Urteile grächt si

u dass du mir us Treui Chummer zuegfüegt hesch.

76 Bitte tröscht mi dür dini loyal Liebi,

denn die Ussag hesch dim Diener geh.

77 Hab Erbarme mit mir, damit i am Läbe bliibe,

denn di Gsetz isch ma ans Herz gwachse.

78 D Amassendä sölled beschämt dastah,

denn si füege mi ohni Grund Unrächt zue.

Doch i wirde über dini Anordnige nachedänke.

79 D Ehrfurcht vor dir hei, söue zu mir zruggkehre,

ja wär immer d Erinnerige kennt wo vo dir chömet.

80 Mögi dini Vorschrifte vo ganzem Härze befolge,

damit ig nid beschämt das stah.

כ (Kaf)

81 Nach Rettig vo dir gsehni mi,

denn uf dini wort setzi mini hoffnig.

82 Mini Ouge sehned sech nach dem wod seisch,

u zuesätzlech fragi: Wenn wirsch mi tröschte?

83 Denn ig bi wine im Rauch ustrocknete Läderbütel.

Doch dini Vorschrifte vergessi nid.

84 Wie viu Täg muess din Diener no warte?

Wenn wirsch ds Urteil a miine Verfouger vollstrecke?

85 Di Amassendä grabä,

ja die wo sech dim Gsetz entgägestöhnd.

86 Aui dini Gebot si vertrauenswürdig.

Me verfolgt mi ohni Grund. Hilf mir!

87 Fasch hätt me mi vor Erde besitigt,

doch i ha dini Anordnige nid verlah.

88 Erhalte mi am Läbe i dire loyale Liebi,

damit ich die Erinnerige beachte wo du usgsproche hesch.

ל (Lamed)

89 Für immer, o Jehova,

wärde dini Wort im Himmu bestah.

90 Dini Treue blibt alli Generatione durre.

Du hesch dr Erde fescht Bestand gäh u so blibt si bestah.

91 Dür dini Rächtsentscheidige sy si bis hüt da,

denn sie alli dini Diener.

92 Wär mir dis Gsetz nid as Härz gwachse,

ig wär umcho vor luter Chummer.

93 Nie wirdi dini Anordnige vergesse,

denn dür si hesch mi am Läbe erhalte.

94 Ech ghör der. Rett mi,

denn nach dine Aordnige hani gsuecht.

95 Die Böse warte druf mi z vernichte

aber i achte genau uf d Erinnerige wo vo dir chöme.

96 I ha gseh das aues Vollkomme Gränze het,

doch dim Gebot si ke Gränze gsetzt.

מ (Mem)

97 Wie sehr liebi ig doch dis Gsetz!

Der ganz Tag denki drüber noche.

98 Wiiser aus mini Finde macht mi dis Gebot,

denn es isch min ständige Begleiter.

99 I ha meh Isecht aus aui mini Lehrer,

wiu ig über d Erinnerige nachedänke, wo vo dir chöme.

100 Ig handle mit meh Verstand aus älteri Männer,

wili dini Anordnige beachte.

101 Ig weigere mi irgend ä schlächte Wäg z gah,

um mi a dini Wort chöne halte.

102 Vo dine Rechtsentscheidige weichi nid ab,

denn bisch mi Lehrer gsi.

103 Wi süess dini Wort doch mim Gaume schmöcke,

si süesser aus Honig i mim Muul.

104 Dank dinere Aordnige handli mit Verstand.

Drum hass i jedä fausch Wäg.

נ (Nun)

105 Dini Wort sy e Lüücht für mi Fuess

u es Liecht für mi Wäg.

106 I ha gschwore u wirds o tue:

A dini grächte Urteile wirdi mi halte.

107 I ha grossi Chummer erlitte.

O Jehova, erhalt mi am Läbe, wies versproche hesch.

108 Bitte freu di, o Jehova, über mi Lobpriis, mini freiwilligi Gabe,

u lehr mi dini Rächtsentscheidige.

109 Mis Läbe isch ständig i Gfahr,

trotzdem hani dis Gsetz nid vergesse.

110 D Böse hei mer e Fall gstellt,

aber i bi nid vo dine Aordnige abgwiche.

111 Die vo dir kommende Erinnerige hani mr fescht zu eigene gmacht,

denn sie si mini Herzensfreud.

112 Ig ha beschlosse, dini Vorschrifte z befolge –

zu allne Ziite, bis ans Ändi.

ס (Samech)

113 D Halbherzige sy mer verhasst,

aber dis Gsetz liebi.

114 Du bisch mini Zueflucht u mis Schild,

denn uf dini Wort setzi mini Hoffnig.

115 Blibet wäg vo mir, ihr schlächte Mönsche,

damit ich d Gebot vo mim Gott beachte chan.

116 Ungerstütz mi wi dus versproche hesch,

damit ig am Läbe blibe.

Lah mini Hoffnig nid i Enttüschig änd.

117 Ungerstütz mi damit i grettet wirde.

Denn wird ig mi immer uf dini Vorschrifte konzentriere.

118 Du weisch aui zrügg, wo vo dine Vorschrifte abwiiche,

denn sie sind falsch und hinterlistig.

119 Alli Böse vo dr Ärde wirfsch wäg wi wertlosi Schlacke.

Drum liebi d Erinnerige wo vo Dir chömed.

120 Us Angst vor dir zittere ich am ganze Körper.

Vor dine Urteile fürchte ig mi.

ע (Ajin)

121 I ha nach Rächt u Gerechtigkeit ghandlet.

Überlah mi nid mine Ungerdrücker!

122 Garantiere z Wohl vo dim Dieners.

Die Anmassenden sollte mich nicht unterdrücken.

123 Mini Ouge si müed worde vom Warte uf Rettig vo dir

u vom warte uf dis grächt Verspreche.

124 Zeig dim Diener dini loyali Liebi

u lehr mi dini Vorschrifte.

125 I bi din Diener. Gib mer Verstand,

damit ig d Erinnerige vo dir verstah.

126 Für Jehova isch d Zyt cho z handle,

denn me het dis Gsetz broche.

127 Drum liebi dini Gebot

meh aus Gold, ja feinstes Gold.

128 Darum han ich jedi Aleitig vo dir als richtig betrachtet.

Jede falsche Weg hass ich.

פ (Pe)

129 Die vo dir kommende Erinnerige si wunderbar.

Drum beachte ich sie.

130 D Enthüllig vo dire Wort schänkt Liecht,

git dr Unerfahre Verstand.

131 Ig öffne mi Muu wyt u süüfze,

wiu i mi nach diine Gebote sehne.

132 Wändi di mir zue u schänk mer dini Gunscht,

entsprechend dine Rechtsentscheidig für die wo din Name liebed.

133 Leit mini Schritt sicher dür das wo du seisch.

Nüt Schlächts söll mi beherrsche.

134 Rette mi vor Underdrücker

u i wirde mi a dini Anordnige haute.

135 Lah dis Gsicht über dim Diener lüchte

u lehr mi dini Vorschrifte.

136 Träne schtröme us mine Ouge,

wöu me dis Gsetz nid hebt.

צ (Zade)

137 Du bisch gerecht gell Jehova,

u dini Urteile si fair.

138 D Erinnerige, wo vo Dir chöme si grächt

und ganz und gar zueverlässig.

139 My Eifer verzehrt mi,

denn mini Gegner hei dini Wort vergässe.

140 Was du seisch isch düre und düre rein,

din Diener liebts.

141 I bi unbedütend und me verachtet mi.

Dennoch hani dini Aordnige nid vergesse.

142 Dini Gerechtigkeit isch ewigi Gerechtigkeit

un dis Gsetz isch Wohrheit.

143 We o Chummer u Schwirigkeite über mi iebräche,

dini Gebot wärde mr immer lieb u tüür si.

144 Di vo dir kommende Erinnerige si uf ewig grächt.

Gib mer Verstand damit ich am Läbe bliib.

ק (Kof)

145 I rüefe us tüüfschtä Herzä. Antwort mir, Jehova!

Dini Vorschrifte werdi beachte.

146 I rüef di a. Rett mi!

An die vo dir kommende Erinnerige wirdi mi halte.

147 Scho vor dr Morgedämmerig bin i wach gsi zum nach Hilf schreie,

denn uf dini Wort setzi mini Hoffnig

148 Mini Ouge öffne sech vor Aafang vor Nachtwache,

sodass i cha über das nachedänke was du gseit hesch.

149 Ghör mer doch zu i dinere loyale Liebi.

O Jehova, erhalt mi am Läbe i dinere Gerechtigkeit.

150 Di i schamloses Verhalte verwicklet si, näher sech.

Wit wäg si vo dim Gsetz.

151 Du bisch nöch o Jehova,

u aui dini Gebot si Wohrheit.

152 Vor langer Zyt han i di vo dir kommende Erinnerige kenne,

erfahre das se feschtgleit hesch damit si für immer bestöh.

ר (Resch)

153 Lueg uf mi Chummer u rette mi,

denn dis Gsetz hani nid vergesse.

154 Verteidige mi u rett mi.

Erhalt mi am Läbe wi dus versproche hesch.

155 Fern isch Rettig vo de Böse,

denn nach dine Vorschrifte hends nid gforscht.

156 Dini Barmherzigkeit isch gross, o Jehova.

Erhalt mi am Läbe i dire Gerechtigkeit.

157 I ha viu Verfouger u Gegner.

Doch vo dine Erinnerige bini nid abgwiche.

158 Ageeklet luegi uf d Verräter,

wöu si sech nid a das halte wo du gseit hesch.

159 Sieh doch, wi sehr ig dini Anordnige liebe!

O Jehova, erhalt mi am Läbe i dinere loyale Liebi.

160 Dini Wort sy dr Inbegriff vor Wahrheit

u aui dini grächte Urteile blibe für immer.

ש (Sin oder Schin)

161 Fürstä verfolgä mi ohni Grund,

aber mi Herz isch vo Ehrfurcht vor dine Wort erfüllt.

162 I freu mi über das wo du gseit hesch,

we eine wo grossi Büeti macht.

163 Falschheit isch mir verhasst, ja i verabscheue si,

doch dis Gsetz liebe.

164 Sibe Mal am Tag preise ig di

für dini grächte Urteile.

165 Friede ohni End hei die, wo dis Gsetz liebe.

Nüt bringt se zum Fall.

166 i hoffe uf dini Rettigstate, o Jehova,

u dini Gebot beachte i.

167 I halte mi a di vo dir kommende Erinnerige

un lieb sie vu Herze.

168 Dini Anordnige u Erinnerige hani beachtet,

wel dü alles weisch was i doe.

ת (Taw)

169 Lah min Hilferuf zu dir dringe, o Jehova.

Gib mir Verständnis dur dini Wort.

170 Möge mini Bitte um Gunst vor di chöme.

Rett mi wies versproche hesch.

171 Mini Lippe sölled vor Lobpriis übersprudle,

denn du lehrsch mi dini Vorschrifte.

172 Mini Zunge söll besinge was du gseit hesch,

denn alli dini Gebot sin Grecht.

173 Dini Hand seg parat mir zhälfe,

wöu ig mi drfür entscheide dini Anordnige z befolge.

174 Ig sehne mi nach Rettig vo dir, o Jehova,

un dis Gsetz isch mer ans Herz gwachse.

175 Lah mi läbe damit ig di cha prise.

Dini Urteile sy mer e Hilf.

176 I bi umenandgirrt wienes verlorene Schof. Suech din Diener,

denn dini Gebote han i nid vergesse.