D Psalme 114 bis 150

D Psalme 114 bis 150

114:1 Aus Israel aus Ägypte uszoge,

wo ds Huus Jakob vomene Volk mit frömde Sprach wägzoge het,

 2 da isch Juda Gottes Heiligtum worde,

Israel sis Herrschaftsgebiet.

 3 Das Meer hets gseh u ergriffe d Flucht.

Der Jordan sech zrügg.

 4 D Bärge hei umegumpet wi Schafböck,

d Hügel wi Lämmer.

 5 Werum bisch gflohe, o Meer?

Werum o Jordan bisch zrugggwiche?

 6 Warum syder umegumpet wi Schafböck, ihr Bärge,

wi Lämmer, dir Hügel?

 7 Zittere, o Erde, wägem Herr,

wäg däm Gott Jakobs,

 8 wo de Felse i ne schilfbewachsene Wasserteich verwandlet,

s'Chieselgestei i Wasserquelle.