4.Moses 9 vo 36
- von Rico Loosli 6934 Bioggio
-
Zugriffe: 328
4.Moses 9 vo 36
9:1 Im erschte Monet vom 2. Jahr nachem Uszug us Ägypte het Jehova zu Moses ir Wildnis Sịnai:
2 "D Israelite sölled das Passahopfer zu dere feschtgleiti Ziit vorbereite.
3 Rundet's am 14. Tag das Monet ir Abedämmerig zur feschtgleiti Zyt vor. Es söu nach aune derfür gältende Bestimmige u Verfahrenswise vorbereitet wärde.
4 Moses wies also d Israelite ah, s Passahopfer vorzbereite.
5 Si hei ds Passahopfer am 14. Tag vom erschte Mönet ir Obeddämmerig ir Wildnis Sịnai vorbereitet. D Israelite hend sich debi ah alles ghalte wo Jehova moses uftreit het.
6 Nun si da Manne gsi wo unrein worde si wüu si e Tote berüert hei gha und drum ds Passahopfer a däm Tag nid hei chönne vorbereite. Si si a däm Tag zu Moses u Aron cho
7 und hei zu ihm gseit: "Mir sy unrein, wül mir e Tote berüert hei. Warum sölls üs nid erloubt si, Jehova ds Opfer mit de angere Israelite zur feschtgleiti Zyt darzbringe?"
8 Druf antwortet Moses: "Wartet hier, ich will höre, was Jehova i euem Fall anordnet."
9 Jehova het denn zu Moses gseit:
10 "Teili de Israelite mit: 'Wenn unger euch oder i euchne zuekünftige Generatione e Maa dür Berüerig vomene Tote unrein wird oder wyt wäg ufere Reis isch, söll er glich ds Passahopfer für Jehova vorbereite.
11 Si söue's am 14. Tag vom zwöite Monet ir Abedämmerig vorbereite und's mit ungsäuertem Brot und bitte chrüüter ässe.
12 Si dörfe nüt drvo bis zum Morge übrig lah und ke Chnoche dran zerbräche. Bi de Vorbereitig sölled alli Bestimmige fürs Passah ighalte werde.
13 Aber we e Maa ine isch und sech o nid grad ufere Reis befindet und es versuumt, ds Passahopfer vorzbereite, de mues dr Beträffend us sim Volk entfernt wärde wüu är d Opfergabe Jehovas nid zur feschtgleiti Zyt het drbrocht. Dä Maa söll sich für sini Sünde verantworte.
14 Falls e Fremde bi öich asässig isch, söll au är ds Passahopfer für Jehova vorbereite. Är söll sich drbi a die für ds Passah gältendi Bestimmig u Verfahrenswis halte. Für euch u de asässige Frömde söll i u ds gliche Bestimmig gälte.
15 Am Tag, wo me d Stiftshütte – ds Zält vom Zügniss – ufschtellt het, isch si vor Wulche bedeckt worde. Doch vom Abe bis zum Morge isch über der Stiftshütte öppis gsi, wo wie Füür usgseh het.
16 So isch es o witerhin bliebe: Tagsüber isch si vo dr Wulche bedeckt worde und nachts vom Füürschyn.
17 Jedesmol we d Wulke über em Zelt ufstieg bringe d Israelite sofort uf, und a dem Ort wo d Wulke stöh blibe isch, hei si ds Lager gschlage.
18 Uf Befehl Jehovas hei d Israelite witer zoge und uf Befehl Jehovas hei si ds Lager ufgschlage. Es isch so lang stah, wie d Wolke über dr Stiftshütte isch gsi.
19 We d Wolke e lengeri Zyt über dr Stiftshütte bliebe isch, hei d Israelite Jehovas Aawiisig befolgt und nid wäg zoge.
20 Mängisch isch d Wulche nume einigi Täg über dr Stiftshütte gstande. Uf Befehl Jehovas hei si aube amne Ort glageret und uf Befehl Jehovas hei si witer zoge.
21 Mitunter isch d Wulke nume vom Abe bis zum Morge amne Ort gsi, und we si morn ufstige bringe si uf. Ob Tagsüber oder Nachts, sobald d Wulke ufstiege, hei si witer zoge.
22 Öb zwöi Täg, e Monet oder länger, d Israelite hei so lang ame Ort glageret, wie d Wouke über dr Stiftshütte stöh blibe. Ersch we d'Wolke wider ufstiege, bringeds uf.
23 Uf Befehl Jehovas hei si aube ds Lager ufgschlage und uf Befehl Jehovas hei si witer zoge. Si si ihre Verpflichtig gägenüber Jehova noche cho und hei tah, was Jehova ihne dur Moses befohle het.