1.Korinther 4 vo 16

1.Korinther 4 vo 16

4:1 Me söll üs als Diener vom Christus und Verwalter vo Gottes heilige Gheimnisse betrachte.

2 U vo Verwautere wird erwartet, dass si sech aus treu erwiise.

3 Für mi iz isch es zimlech unwichtig ob ig vo euch oder vomene mönschleche Gricht beurteilt wirde. I beurteile mi ja nid mau säuber.

4 Ig bi mir nämlech ke Schuld bewusst aber ds bewiist no nid dasi rächt bi. Jehova isches wo mi beurteilt.

5 Urteilt auso über nüt vor der gäbnige Zyt bevor der Herr chunnt. Är wird das im Dunkle Verborgeni as Liecht bringe u d Absichte im Härz vo de Mönsche ufdecke. Denn wird jede sis Lob vo Gott erhalte.

6 Ig ha das itz zu öiem Nutze uf mi und Apọlose agwandt, Brüedere. Dir söttet dür üs dr Grundsatz lere: "Göh nid über das use was i de Schrifte staht", damit Der nid vor Stolz ufblose sit und dä einte am andere vorzieht.

7 Denn wär macht, dass de di vomene andere unterscheidisch? Ja was hesch, wo nid becho hesch? U wes doch hesch becho, werum prahlsch de, als hättsches nid becho?

8 Siter scho zfriede? Siter scho riich? Hend ihr ohni üs als Könige afange regiere? I wünschti tatsächlech dir heiget aus Könige afo regiere, drmit o mir mit euch aus Könige chöi regiere.

9 Denn mir schiint, dass Gott üs, d Aposchtel, zletscht als Mensche zur Schau gstellt het, wo zum Tod verurteilt si, denn mir si für d Welt und für Ängel und für Mönsche es Schauspiel worde.

10 Mir erschiene als dumm wäg Chrischtus, ihr aba hebet äich fir Vuschtändig in Chrischtus. Mir sin schwach, ihr aba sin stark. Ihr wehret, ma aba gregä keini Ehri.

11 Bis zu dere Stund liidet mir ständig Hunger u Durscht u si dürftig bekleidet, mir wärde gschlage, hei kes Dehei

12i u müeh üs ab, i däm mir mit üsne eigete Händ schaffe. We mer beschimpft wärde, segemer. We me üs verfolgt, ertragemers geduldig.

13 We me üs verleumdet, antworte mir mit milde. Mir si wi dr Abfall vor Welt worde, dr Abschuum vo auem bis jetzt.

14 Ich schrib eu das nid zum euch beschämme, sondern um euch als mini gliebte Chind idringlich z ermahne.

15 Denn säubscht we ihr 10'000 Betreuer in Chrischtus hättet, heit ihr bestimmt nid viu Vätere. I bi nämlich durch di gueti Botschaft in Christus Jesus euer Vater worde.

16 Drum bitte dringend: Nehmet mi zum Vorbild.

17 Us däm Grund schick i Timọtheus zu Öich, mis gliebte, treus Chind im Herrn. Er wird eu a mini Methode i Verbindig mit em Christus Jesus erinnere so wieni überall i jedere Versammlig lehre.

18 Einigi vo Öich sy vor Stouz ufblase, aus würd i nid zu euch cho.

19 Ich wirde aber gli zu euch cho wenn Jehova es will. De wirdi nid d Wort vo dene ufblasene Lüt kennelerne, sondern ihri Chraft.

20 Denn ds Königrich Gottes isch nid e Sach vo Wort, sondern vo Chraft.

21 Was isch öich lieber? Söll ich mit däm Stock zu euch cho oder mit Liebi und im Geist der Milde?